Awatokua 21:9 - Mbeti ti Nzapa - Tënë so amu fini

⁹ Lo yeke na amaseka-wali osio so ade ti mu koli pepe, ala yeke tene peko ti tënë ti yanga ti Nzapa.

Awatokua 21:9 Referans Kwoze

Awatokua 2:17

‘Nzapa atene: Na ya ti alango ti ndani, fade mbi yeke sara titene Yingo ti mbi aga na ndö ti azo kue; amolenge ti ala ti koli na ti wali ayeke tene peko ti tënë ti yanga ti mbi, amaseka ti ala ti koli ayeke baa aye na ya ti mbeni ye tongana bango-li, ambakoro ti ala ayeke baa li ti ala.

Aye so Nzapa afa 2:20

Me ye so mbi ke na mo ayeke so: mo zia lege na Yezabel, wali so, ti sara si azo ti kua ti mbi agirisa lege. Lo yeke tene na azo atene, ni yeke wayanga-Nzapa, lo yeke fa lege na azo ti mbi ti sara aye ti ndumba si ala yeke te akobe so a mu na *sandaga na ayanda.

Nzoni Tënë so Luc asu na mbeti 2:36

Mbeni wali nga ayeke daa, lo yeke wayanga-Nzapa, iri ti lo Anne; lo yeke molenge ti Penuel ti wali, zo ti mara ti Aser. Ngu ti lo ahon mingi. So lo mu koli na maseka ti lo, lo na koli ni asara ngu mbarambara.

Sigingo 15:20

Tongaso Miriam, wayanga-Nzapa, ita ti Aaron ti wali amu kete ngo. Awali ti Israel kue amu peko ti lo, ala yeke pika kete ngo si ala yeke dodo.

Awatokua 13:1

Na *Eglize ti Antioshe, *awayanga-Nzapa na awafango-ye ayeke daa: Barnabas, Siméon so a iri lo Zo-vuko, Lusius ti kodro ti Sirene, Manaen so lo na kota komanda Herode akono oko, na Saul.

Néhémie 6:14

“Nzapa ti mbi, mo dabe ti mo na ye so Tobia na Sanebalat asara, nga na Noadia, wayanga-Nzapa ti wali, lo na tanga ti awayanga-Nzapa so aye ti bi mbeto na ya ti mbi!”

2 Agbia 22:14

Wayango-sandaga Hilkia, na Ahikam, na Akbor, na Shafan nga na Asaya ague, awara Hulda, wayanga-Nzapa so ayeke lango na Fini Vaka ti Jérusalem. Lo yeke wali ti Shalum; Shalum ayeke molenge ti Tikva, molenge ti Haras. Shalum ayeke zo ti batango abongo ti ya ti kota da ti Nzapa. Azo ni afa peko ti tënë ni na wayanga-Nzapa ni.

Awafango-ngbanga 4:4

Na ngoi ni so, Debora ayeke wayanga-Nzapa; lo yeke wali ti Lapidot; Debora ayeke nga wafango-ngbanga na kodro ti Israel.

1 Korente 7:38

Tongaso, koli so amu tere na maseka-wali so lo ye ti mu lo, lo sara nzoni; me koli so amu tere pepe na maseka-wali ni, lo sara nzoni mingi.

Ezekiel 13:17

“Ti mo, *molenge ti zo, mo baa ndo fadeso na mbage ti awali ti kodro ti mo so ayeke tene peko ti tënë ti yanga ti Nzapa so alondo na be ti ala wani. Mo tene peko ti tënë ti yanga ti mbi na tere ti ala.