Awatokua 21:37 - Mbeti ti Nzapa - Tënë so amu fini

³⁷ So ala ye ti li na Paul na ya ti gbagba ni, lo tene na kota komanda ti aturugu ni, lo tene: “Lege ayeke daa titene mbi tene mbeni tënë na mo?” Kota komanda ni ahunda lo: “Mo hinga ti tene yanga ti greke?

Awatokua 21:37 Referans Kwoze

Awatokua 21:34

Me na popo ti azo ni, ambeni ayeke dekongo si ayeke tene ge nde, ambeni ayeke tene ti ala kâ nde. So wusuwusu ahon ndoni, lege titene kota komanda ti aturugu ni ahinga so mbirimbiri tënë ayeke daa pepe, lo mu yanga titene a mu Paul, ague na lo na ya ti gbagba ti aturugu.

Awatokua 21:19

Paul abara ala si lo fa na ala na yanga ni, na yanga ni aye so Nzapa asara na lege ti lo na popo ti azo ti amara nde.

Awatokua 19:30

Paul aye ti gue na ya ti bongbi ti azo ni, me adisiple ake na lo.

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

Awatokua 22:24

Kota komanda ti aturugu ni amu yanga titene a mu Paul ali na lo na ya ti gbagba ti aturugu ni titene a pika lo si lo fa na ala nda ti tënë so azuife ayeke dekongo na li ti lo ngbanga ni so.

Awatokua 23:10

So papa ni aga ngangu, mbeto asara kota komanda ti aturugu ni ngbanga ti ala suru ya ti Paul. Tongaso lo mu yanga na aturugu ti mu Paul na popo ti azo ni ti sigigi na lo ti gue na lo na ya ti gbagba ti aturugu.

Awatokua 23:16

Me molenge-koli ti ita ti Paul ti wali ama tënë ti ye so ala yeke leke so si lo gue na ya ti gbagba ti aturugu, lo tene tënë ni na Paul.