Awatokua 21:33 - Mbeti ti Nzapa - Tënë so amu fini

³³ Tongaso kota komanda ti aturugu ni ague nduru na tere ti Paul, lo mu yanga titene ala gbu lo, akanga lo na zingiri use. Na pekoni, lo hunda azo ni, lo tene: “Lo yeke zo wa? Nyen laa lo sara?”

Awatokua 21:33 Referans Kwoze

Efeze 6:20

Ataa so mbi yeke na da ti kanga, mbi yeke sara kua ti lembe ndali ti Nzoni Tënë. Ala sambela si mbi lingbi ti fa tënë ni na legeni, na mbeto pepe.

Awatokua 21:11

Lo ga ti baa e. Lo mu kamba ti ndö ti bongo ti Paul, lo kanga gere ti lo na maboko ti lo na ni si lo tene: “Ala ma tënë so Yingo-Vuru atene: fade azuife ayeke kanga wa ti kamba so tongaso na Jérusalem si ala yeke zia lo na maboko ti azo so ahinga Nzapa pepe.”

Awatokua 20:23

Ye oko so mbi hinga ayeke so: na ya ti agbata oko oko, Yingo-Vuru afa na mbi kozoni atene, kanga na pasi ayeke ku mbi.

Awatokua 12:6

Kozo titene ndo ahan si Herode afâ ngbanga ti Pierre na le ti azo kue, na bi ni, Pierre ayeke lango na popo ti aturugu use. A kanga lo na zingiri use si a zia aturugu ti bata yanga ti da ni.

Awatokua 28:20

Ndani laa mbi hunda ti baa ala ti tene tënë na ala, ngbanga ti so mbi ga zo ti kanga ndali ti ye so azo ti Israel azia be ti ala ti ku.”

Awatokua 22:29

Gi hio tongaso, azo so aye fade ti pika lo titene lo tene tënë so, ala zia lo. So kota komanda ni ahinga atene, Paul ayeke zo ti Rome si lo kanga lo na zingiri, mbeto agbu lo.

2 Timothée 2:9

Ndali ti Nzoni Tënë ni, a kanga mbi na zingiri si mbi yeke baa pasi tongana sioni zo. Me a kanga tënë ti Nzapa pepe.

2 Timothée 1:16

Ayeke nzoni *Kota Gbia asara nzoni be ti lo na azo ti sewa ti Onezifore, ngbanga ti so fani mingi, lo mu ngangu na be ti mbi. Kamene ti so mbi yeke na da ti kanga asara lo pepe;

Awatokua 26:29

Paul akiri tënë, atene: “Ataa hio wala mbeni lâ, mbi yeke sambela Nzapa titene mo na ala so kue ayeke ma mbi laso, ala ga tongana mbi; me mbi ye titene a kanga ala na zingiri tongana mbi pepe!”

Awatokua 25:16

Me mbi tene na ala, mbi tene, kozo titene e kanga mbeni zo, na lege ti ndia ti e, azo ti Rome, e yeke mu lege na lo ti fa nda ti tënë ti lo na le ti azo so abi tënë na li ti lo.

Awafango-ngbanga 16:21

Azo ti Filistii agbu lo si akoro le ti lo. Ala gue na lo na gbata ti Gaza. Ala kanga lo na zingiri ti bengba wen, ala mu na lo kua ti nikango ale ti *ble na da ti kanga.

Awafango-ngbanga 16:12

Dalila amu fini kamba so ade ti kanga ye na ni laoko pepe si akanga na Samson. Na pekoni, lo dekongo, lo tene: “Samson, azo ti Filistii ayeke ga ti tiri na mo!” Andaa azo ti Filistii ahonde tere ti ala na ya ti kubu ti Dalila. Me Samson afâ ya ti akamba ni, mo baa mo tene, senge kamba ti li.

Awafango-ngbanga 16:8

Agbia ti azo ti Filistii aga na Dalila afini kamba mbarambara ti gere ti bagara, akamba so ade ti hole pepe. Dalila akanga Samson na akamba ni.

Awafango-ngbanga 15:13

Ala kiri tënë na lo: “Ên-en, e yeke fâ mo pepe! E ye ti kanga gi mo ti zia mo na maboko ti azo ti Filistii.” Ala mu afini kamba use, ala kanga na lo si ala sigigi na lo na ya ti du ti têne ni.

Awatokua 22:30

Kota komanda ti aturugu ni aye ti hinga taa nda ti tënë so azuife ayeke bi na li ti Paul so. Tongaso, lango oko na pekoni, lo zi azingiri na tere ti Paul si lo mu yanga titene akota wayango-sandaga na azo ti *Kota Bongbi ti Fango Ngbanga kue abongbi tere. Na pekoni, lo mu Paul si lo zia lo luti na dawa ti ala.

Filipe 1:7

So ayeke na legeni titene be ti mbi angba na ndö ti ala, ngbanga ti so tënë ti ala agbu be ti mbi mingi. Biani, ala kue awara nga aye so Nzapa amu na mbi na lege ti nzoni be ti lo, ataa fadeso mbi yeke na da ti kanga, wala na ngoi so mbi yeke lani na da ti kanga pepe si mbi yeke gbu koko ti Nzoni Tënë titene azo ama na be na ni na be ti ala kue.