Awatokua 21:24 - Mbeti ti Nzapa - Tënë so amu fini24 Mu ala, mo gue na ala si mo na ala *asukula asioni ti ala, mo futa aye kue ndali ti ala, na pekoni ala lingbi ti kio kua ti li ti ala. Tongaso, fade azo kue ayeke hinga atene, atënë so azo atene na iri ti mo so ayeke taa-tënë pepe, me mo nga, mo yeke bata ndia ti Moïse. Gade chapit la |
Tongana mbi yeke na popo ti azuife, mbi yeke sara ye tongana zuife titene mbi wara azuife. Tongana mbi yeke na popo ti azo so ayeke na gbe ti Ndia ti Moïse, mbi yeke sara ye tongana zo so ayeke na gbe ti Ndia ni, ataa so mbi yeke na gbe ti Ndia ni pepe. Mbi sara tongaso ti wara azo so ayeke na gbe ti Ndia ni.
Tongana amatanga ni ahunzi awe, Job ayeke iri amolenge ti lo ni ti ga titene lo *sukula sioni ti ala. Na ndade ni, lo yeke londo na kota ndaperere si lo mu *sandaga so a yeke gbi ni kue na wâ ndali ti zo oko oko. Lo yeke tene na be ti lo, lo tene: “Mbi hinga pepe, amolenge ti mbi asara siokpari, wala ala zonga Nzapa na be ti ala.” Ye so Job ayeke sara lakue laa!