Awatokua 21:15 - Mbeti ti Nzapa - Tënë so amu fini

¹⁵ Na peko ti alango ni so, e leke tere ti e si e gue na Jérusalem.

Awatokua 21:15 Referans Kwoze

Awatokua 25:9

Festus aye ti zia ngia na be ti azuife, tongaso lo hunda Paul: “Mo ye ti gue na Jérusalem titene a fâ ngbanga ti mo na le ti mbi kâ?”

Awatokua 25:6

Festus asara gi lango miombe wala baleoko na ndo ti ala. Na pekoni, lo kiri na Sezare. Lango oko na pekoni, lo duti na ya ti da ti fango ngbanga si lo mu yanga titene a ga na Paul.

Awatokua 25:1

Lango ota na peko ti so Festus asi na sese so lo yeke govoronere daa, lo londo na Sezare si lo gue na Jérusalem.

Awatokua 18:22

So Paul asi na Sezare, lo gue kozoni na Jérusalem ti bara azo ti *Eglize ni. Na pekoni, lo gue na Antioshe ti sese ti Sirii.

Awatokua 19:21

Na peko ti aye so asi, Paul aleke be ti lo ti hon na asese ti Masedoane na ti Akayi ti gue na Jérusalem. Lo tene: “Tongana mbi si kâ, alingbi mbi gue nga na Rome.”

Awatokua 21:12

So e ma tënë so, e na a-ita, azo ti Christ ti Sezare, e voro Paul titene lo gue na Jérusalem pepe.