Awatokua 19:34 - Mbeti ti Nzapa - Tënë so amu fini

³⁴ Me so azo ni ahinga atene, lo yeke zuife, ala kue adekongo nduru na ya ti ngbonga use, atene: “Artemis ti Efeze ayeke kota mingi!”

Awatokua 19:34 Referans Kwoze

Awatokua 19:28

So azo ni ama tënë so, ngonzo ti ala alondo tongana wâ si ala to nda ti dekongo, atene: “Artemis ti Efeze ayeke kota mingi!”

Aye so Nzapa afa 13:4

Azo kue avoro sioni nyama so akpa ngunde so, ngbanga ti so lo mu ngangu ti lo na nyama ni. Ala voro nga nyama ni, atene: “Zo wa laa alingbi na nyama so, zo wa? Zo wa laa alingbi ti tiri na lo, zo wa?”

Awatokua 16:20

Ala gue na ala na gbe ti akota wafango-ngbanga ti Rome si ala tene: “Azo so ayeke azuife si ala yeke bi wusuwusu na ya ti gbata ti e.

Matthieu 6:7

“Tongana ala yeke sambela, ala diko gba ti atënë pepe tongana ti azo so ahinga Nzapa pepe: azo ni abaa ti ala atene, na lege ti dikongo gba ti atënë si fade Nzapa ayeke ma ala.

Rome 2:22

Mo so mo ke titene zo agi wali wala koli ti mba ti lo, ngbanga ti nyen si mo yeke gi wali wala koli ti mba ti mo? Mo so mo ke tënë ti sambelango ayanda, ngbanga ti nyen si mo yeke nzi aye so ayeke na ya ti ada ti ayanda ni?

Awatokua 19:26

Fadeso, ye so asi, ala baa ni si ala ma nga tënë ni: koli so iri ti lo Paul ayeke tene, anzapa so azo ayeke leke ayeke anzapa oko pepe si lo sara kue titene azo mingi ayeda ti mu peko ti lo. Azo ti Efeze ge na ala ti sese ti Azii nga amu peko ti lo.

1 Agbia 18:26

Awayanga ti nzapa Baal amu bagara so a mu na ala si ala leke lo ti mu na *sandaga. Na pekoni, ala sambela Baal, ti londo na ndaperere ngbii asi na bekombite, ala tene: “Baal, mo kiri tënë na e!” Me ala ma mbeni go oko pepe, zo oko akiri tënë na ala pepe. Ala yeke dodo na tere ti gbalaka so ala leke so.

Awatokua 19:24

Mbeni zo ti lekengo aye na lôro so iri ti lo Demetrius ayeke leke akete da ti nzapa-wali Artemis na wen ti nginza. Tongaso lo yeke futa azo ti kua ni na gba ti nginza.

Awatokua 19:33

Azuife amu Alexandre azia lo na le ti azo, ambeni zo ni afa nda ti tënë ni na lo. Tongaso Alexandre asara maboko ti lo na azo ni titene ala duti kpoo si lo fa na ala nda ti tënë ni.

Awatokua 19:35

Wakuasu ti gbata ni awara lege ti sara si gba ti azo ni akai, lo tene: “A-ita ti mbi, azo ti Efeze, azo kue ahinga atene, gbata ti Efeze laa ayeke gbata ti Artemis, kota nzapa-wali nga na yanda ti lo so alondo na yayu ati na sese!