Awatokua 19:28 - Mbeti ti Nzapa - Tënë so amu fini

²⁸ So azo ni ama tënë so, ngonzo ti ala alondo tongana wâ si ala to nda ti dekongo, atene: “Artemis ti Efeze ayeke kota mingi!”

Awatokua 19:28 Referans Kwoze

Aye so Nzapa afa 17:13

Ala baleoko kue, tënë ti be ti ala ayeke gi oko: ala mu komandema ti ala na ngangu ti ala na nyama ni.

Aye so Nzapa afa 13:4

Azo kue avoro sioni nyama so akpa ngunde so, ngbanga ti so lo mu ngangu ti lo na nyama ni. Ala voro nga nyama ni, atene: “Zo wa laa alingbi na nyama so, zo wa? Zo wa laa alingbi ti tiri na lo, zo wa?”

Aye so Nzapa afa 12:12

Ndani laa, ala, yayu na ala so ayeke duti na yayu, ala duti na ngia! Mawa na ala, sese na kota ngu-ingo, ngbanga ti so Zabolo azu na ala kâ awe! Ngonzo agbu lo ngangu, ngbanga ti so ngoi ti lo angba mingi pepe.”

Awatokua 18:19

Ala si na Efeze, Paul azia Priscille na Akilas kâ. Lo gue na ya ti da ti sambelango Nzapa si lo tene tënë na azuife.

Awatokua 7:54

So azo ti *Kota Bongbi ti Fango Ngbanga ni ama tënë so, ngonzo ti ala alondo tongana wâ si ala yeke te pembe ti ala na tere ti Étienne.

Jérémie 50:38

Bira aga na tere ti angu ti lo! Ayeke nzoni angu ni ahole kue! Biani, Babilone ayeke kodro ti ayanda; afungo nzapa ti ala asara si li ti azo ti vorongo ala aga kirikiri.

Abia (Psaumes) 2:2

Agbia ti sese alondo ti tiri bira; amakonzi ti akodro ama tere ti ke *KOTA GBIA, lo na zo ti lo so lo zia lo gbia so.

Matthieu 2:16

So Herode ahinga atene, azo ti gingo nda ti atongoro ahanda lo awe, ngonzo agbu lo ngangu mingi. Lo mu yanga titene a fâ akete molenge-koli kue ti gbata ti Betlehem na ti akodro so ayeke nduru na tere ni. A fâ amolenge so ngu ti ala ayeke use na ala so ade awara ngu use pepe. Herode asara ye ni alingbi na tënë so azo ti gingo nda ti atongoro atene na lo na ndö ti lango ti sigingo ti tongoro ni.

Awatokua 19:24

Mbeni zo ti lekengo aye na lôro so iri ti lo Demetrius ayeke leke akete da ti nzapa-wali Artemis na wen ti nginza. Tongaso lo yeke futa azo ti kua ni na gba ti nginza.