Awatokua 18:23 - Mbeti ti Nzapa - Tënë so amu fini

²³ So lo lango kete na ndo so awe, lo londo si lo hon na ya ti sese ti Galasii na ti Frizii ti mu wango so alingbi ti kpengba adisiple kue.

Awatokua 18:23 Referans Kwoze

Awatokua 14:22

Na ya ti agbata ni, ala mu ngangu na be ti adisiple, ala mu na ala wango titene ala ngba lakue na lege ti mabe, ala tene nga na azo ni, atene: “Alingbi e baa pasi mingi ti li na *Kodro-gbia ti Nzapa.”

Awatokua 16:6

Paul na Silas ahon hongo na asese ti Frizii na ti Galasii, ngbanga ti so Yingo-Vuru ake na ala ti fa tënë na sese ti Azii.

Awatokua 15:41

Paul ahon na ya ti asese ti Sirii na ti Silisii si lo yeke mu wango na azo ti *Eglize titene ala kpengba.

Awatokua 15:32

Judas na Silas, so ala yeke nga awayanga-Nzapa, atene tënë mingi na azo ni ti mu ngangu na be ti ala si ala kpengba.

1 Tesalonike 5:14

A-ita, e hunda na ala ti suku na azo so ayeke sara ye ti kirikiri; azo so be ti ala awoko, ala sara si be ti ala akiri awara ngangu, ala mu maboko na azo so ayeke na ngangu pepe, ala kanga be ti ala na azo kue.

Galasii 4:14

Ataa so songo tere ti mbi ni aga na ala pasi mingi, ala zere mbi pepe, ala ke nga mbi pepe. Me ala yamba mbi, mo baa mo tene, mbi yeke mbeni *ange ti Nzapa wala Jésus Christ.

1 Korente 16:1

Tënë ti bongbingo nginza ti mu maboko na azo ti Nzapa, ayeke nzoni ala sara ni gi tongana ti so mbi mu yanga na *a-Eglize ti Galasii ti sara.

1 Tesalonike 4:18

Tongaso, ala mu ngangu na be ti ala na popo ti ala na lege ti atënë so.

1 Tesalonike 3:2

Nilaa e tokua ita ti e Timothée na ala; lo na Nzapa laa ayeke sara kua ti fa Nzoni Tënë ti Christ. E tokua lo na ala ti sara si ala kpengba, ti mu wango na ala si ala gbu ngangu na lege ti mabe ti ala.

Galasii 1:2

A-ita azo ti Christ so kue ayeke ge abongbi na mbi ti tokua mbeti so na *a-Eglize ti sese ti Galasii.

Awatokua 16:40

Paul na Silas asigigi na da ti kanga si ala gue na da ti Lydie. Ala baa a-ita, azo ti Christ ti mu na ala wango so alingbi ti mu ngangu na be ti ala; na pekoni, ala zia ala, amu lege ague.

Nzoni Tënë so Luc asu na mbeti 22:43

Tongaso mbeni *ange alondo na yayu asi na lo ti mu ngangu na be ti Jésus.

Nzoni Tënë so Luc asu na mbeti 22:32

Me mbi sambela ngbanga ti mo si mabe ti mo ati pepe. Tongana mo kiri ande na mbage ti mbi, ayeke nzoni mo sara titene a-ita ti mo akpengba.”

Daniel 11:1

Ti mbi, na kozo ngu so Darius, zo ti mara ti Medii ayeke gbia, mbi duti na tere ti Michel ti mu maboko na lo, ti sara nga si lo wara ngangu.

Esdras 1:6

Azo so kue ayeke nduru na azo ti Israel amu maboko na ala na lege ti aye nde nde so a sara na wen ti nginza nga na lôro. Azo ni amu nga na ala ambeni nzoni ye, aye mingi ti ngangu ngere na anyama; na ndö ni, ala mu aye so zo amu na be ti lo wani ndali ti kota da ti KOTA GBIA.

Ndia ti fani use ni 3:28

Mo mu yanga na Josué. Mo sara titene lo gbu ngangu, lo sara ye ti koli. Biani, lo laa lo yeke gue na azo ni ti fâ ngu ti Jourdain, lo laa lo yeke mu sese so mo yeke baa so na azo ni titene aga ti ala.”

Nzoni Tënë so Luc asu na mbeti 1:3

Nilaa, kota zo Théophile, mbi nga, mbi baa mbi tene, ayeke nzoni mbi hunda nda ti aye so kue nzoni si mbi su ni na mbeti na mo na lege ti molongo ni.

Awatokua 2:10

na Frizii, na Panfilii, na Ezipte, na akodro ti Libii, nduru na Sirene; ambeni alondo na Rome si asara kodro ge;

Awatokua 19:1

Na ndembe so Apolos ade na Korente, Paul ahon na ndo so ahoto ayeke daa si lo si na Efeze. Kâ, lo wara ambeni disiple,

Galasii 1:9

E tene tënë so na ala kozoni awe, mbi yeke kiri na ndö ni: tongana mbeni zo afa na ala mbeni nzoni tënë nde na ti so ala ma kozoni, ayeke nzoni Nzapa adeba lo!