Awatokua 18:19 - Mbeti ti Nzapa - Tënë so amu fini

¹⁹ Ala si na Efeze, Paul azia Priscille na Akilas kâ. Lo gue na ya ti da ti sambelango Nzapa si lo tene tënë na azuife.

Awatokua 18:19 Referans Kwoze

2 Timothée 1:18

Ayeke nzoni Kota Gbia asara nzoni be na lo na lango ti ndani. Anzoni ye so lo sara na mbi na gbata ti Efeze, mo hinga tënë ni ahon tanga ti azo kue.

1 Timothée 1:3

Tongana ti so mbi mu lani yanga na mo na guengo ti mbi na sese ti Masedoane, ayeke nzoni mo ngba na gbata ti Efeze. Kâ, ambeni zo ayeke fa ye so alingbi na tënë ti Nzapa pepe. Alingbi mo ke na ala na kuru go ti fa aye ni so.

Efeze 1:1

Mbi Paul, mbi yeke *watokua ti Jésus Christ na lege so be ti Nzapa aye; mbi tokua mbeti so na azo ti Nzapa so ayeke na gbata ti Efeze, ala so ama na be na Jésus Christ si ala ga oko na lo.

1 Korente 16:8

Me mbi yeke ngba ande na gbata ti Efeze ngbii lango ti *Pantekote alingbi si,

1 Korente 15:32

Tongana mbi zia be ti mbi gi na ndö ti tënë ti azo, nda ti tiri so mbi tiri na azo so ayeke tongana asioni nyama ti ngonda na gbata ti Efeze so ayeke nyen? Tongana akuâ ayeke zingo pepe, tongana ti so ambeni zo ayeke tene: “E te, e nyon, ngbanga ti so kekereke, e yeke kui ti e kuingo.”

Awatokua 20:16

Biani, Paul aleke na be ti lo ti luti na Efeze pepe, tongaso si ngoi ahon lo na sese ti Azii pepe. Lo ye ti gue hio ti si na Jérusalem kozoni si lango ti *Pantekote alingbi, tongana lege ayeke daa.

Awatokua 19:1

Na ndembe so Apolos ade na Korente, Paul ahon na ndo so ahoto ayeke daa si lo si na Efeze. Kâ, lo wara ambeni disiple,

Awatokua 18:24

Na ndembe ni so, mbeni zuife so a du lo na gbata ti Aleksandrii so iri ti lo ayeke Apolos asi na Efeze. Lo yeke mbeni zo so ayeke tene tënë nzoni mingi si lo hinga nga Mbeti ti Nzapa nzoni mingi.

Awatokua 18:4

Lakue na *lango ti wungo tere, lo yeke mu tënë na ya ti da ti sambelango Nzapa si lo yeke gi lege ngangu titene azuife na agreke ayeda na tënë ti lo.

Aye so Nzapa afa 2:1

“Su mbeti so, mo tokua na *ange so ayeke na li ti *Eglize ti gbata ti Efeze: “Baa, lo so lo gbu atongoro mbarambara na maboko ti lo ti koli si ayeke tambula na popo ti agere ti lamba mbarambara so a sara ni na lôro, atene:

Aye so Nzapa afa 1:11

Go ni atene: “Ye so mo yeke baa so, mo su tënë ni na ya ti buku, mo tokua ni na *a-Eglize mbarambara so: Eglize ti Efeze, ti Simirne, ti Pergame, ti Tiatire, ti Sarde, ti Filadelfii na ti Laodise.”

2 Timothée 4:12

Mbi tokua Tishike na Efeze awe.

Awatokua 19:26

Fadeso, ye so asi, ala baa ni si ala ma nga tënë ni: koli so iri ti lo Paul ayeke tene, anzapa so azo ayeke leke ayeke anzapa oko pepe si lo sara kue titene azo mingi ayeda ti mu peko ti lo. Azo ti Efeze ge na ala ti sese ti Azii nga amu peko ti lo.

Awatokua 19:17

Azo ti gbata ti Efeze, azuife na azo ti amara nde ama tënë ti ye so; mbeto agbu ala kue si ala sepela iri ti *Kota Gbia Jésus.

Awatokua 18:21

So lo zia ala ti hon, lo tene na ala: “Tongana Nzapa aye, fade mbi yeke kiri ti ga ge na ndo ti ala.” Tongaso lo mu mangboko na Efeze si lo gue.

Awatokua 18:20

Azo ni ahunda na lo ti ngba na popo ti ala aninga, me lo ke.

Awatokua 19:28

So azo ni ama tënë so, ngonzo ti ala alondo tongana wâ si ala to nda ti dekongo, atene: “Artemis ti Efeze ayeke kota mingi!”

Awatokua 19:35

Wakuasu ti gbata ni awara lege ti sara si gba ti azo ni akai, lo tene: “A-ita ti mbi, azo ti Efeze, azo kue ahinga atene, gbata ti Efeze laa ayeke gbata ti Artemis, kota nzapa-wali nga na yanda ti lo so alondo na yayu ati na sese!

Awatokua 20:17

Na Mile, Paul atokua na Efeze ti iri *akangba ti *Eglize ni ti ga.

Awatokua 21:29

Ala tene tënë so, ngbanga ti so ala baa Trofime, zo ti Efeze na tere ti Paul na ya ti gbata ni; ala baa ti ala atene, Paul ali na lo na ya ti kota da ti Nzapa ni awe.