Awatokua 17:24 - Mbeti ti Nzapa - Tënë so amu fini

²⁴ Nzapa, lo so asara dunia na aye kue ti ndö ni, lo laa lo yeke *Kota Gbia ti yayu na sese. Lo yeke lango pepe na ya ti da so azo laa asara ni.

Awatokua 17:24 Referans Kwoze

1 Agbia 8:27

“Me Nzapa alingbi biani ti duti na ndö ti sese so? So yayu so akono ahon ndoni alingbi na konongo ti lo pepe si kota da so mbi sara ayeke kete mingi so!

Ndia ti fani use ni 10:14

Yayu so akono ahon ndoni, sese na aye so kue ayeke na ndö ni ayeke ti KOTA GBIA Nzapa ti ala.

Awatokua 7:48

Me Nzapa so ayeke na yayu kâ na ndö ti aye kue ayeke lango na ya ti ada so azo asara ni na maboko ti ala pepe. Tënë ni alingbi na tënë so wayanga-Nzapa atene:

Ésaïe 66:1

Tënë so *KOTA GBIA atene ayeke so: “Yayu ayeke mbata ti mbi ti gbia, sese ayeke mbata so mbi yeke zia gere ti mbi na ndö ni. Mara ti da wa laa ala lingbi ti sara na mbi? Ndo wa laa mbi lingbi ti wu tere ti mbi daa?

2 Mbai 6:18

“Me Nzapa alingbi biani ti duti na ndo oko na azo na ndö ti sese so? So yayu so akono ahon ndoni alingbi na konongo ti lo pepe si kota da so mbi sara ayeke kete mingi so!

Matthieu 11:25

Na ndembe ni so, Jésus akiri atene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde ye so na azo ti ndara nga na azo ti hingango ye si mo sigigi na nda ni na akete molenge.

2 Mbai 2:6

Fadeso, tokua na mbi mbeni wakode-kua ti lôro, ti wen ti nginza, ti bengba wen na ti wen, wakode-kua so ahinga nga ti sara anzoroko na tere ti abongo: nzoroko so abe bengo, nzoroko so akpa le ti nduzu, nzoroko so abe si aza zango; lo hinga nga ti de alimo na kode na tere ti aye, lo na awakode-kua so babâ ti mbi David asoro ala lani si ala yeke na tere ti mbi na sese ti Juda nga na Jérusalem.

Abia (Psaumes) 115:16

Yayu ayeke yayu ti KOTA GBIA, me ti sese, lo mu ni na azo.

Aye so Nzapa afa 20:11

Na pekoni, mbi kiri mbi baa mbeni kota vuru mbata ti gbia. Mbi baa nga lo so ayeke duti na ndö ni so. Sese na yayu alondo na dawa ti lo, akpe ahon, a kiri a baa ala mbeni pepe.

Awatokua 14:15

“Azo! Ala yeke sara ye so ngbanga ti nyen? E yeke gi azo tongana ala! E ga ge ti fa Nzoni Tënë titene ala zia lege ti abuba ye so ala yeke voro so, ala mu be ti ala na Nzapa so ayeke na fini, lo so asara yayu, na sese na kota ngu-ingo na aye so kue ayeke na ya ni.

Awatokua 4:24

So amba ti ala ama tënë so, ala bongbi yanga oko si ala sambela Nzapa, atene: “Gbia, mo laa mo sara yayu na sese, kota ngu-ingo na aye so kue ayeke na ya ni!

Jérémie 10:11

Tënë so ala yeke tene ande na azo ni ayeke so: anzapa so asara yayu na sese pepe so, fade ala yeke ngba na ndö ti sese so pepe, ala yeke ngba na gbe ti yayu pepe.

Nzoni Tënë so Luc asu na mbeti 10:21

Gi na ndembe ni so, be ti Jésus asi na ngia ti Yingo-Vuru si lo tene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde aye so na azo ti ndara nga na azo ti hingango ye si mo sigigi na nda ni na akete molenge. Biani Babâ, ye ni ayeke tongaso, ngbanga ti so mo yeda.

Ésaïe 42:5

Nzapa, *KOTA GBIA asara yayu, lo gbara le ti nduzu; lo gbara sese na aye so kue asigigi daa, lo mu fini na azo so ayeke na ndö ti sese, lo mu pupu ti wungo ni na azo ti ndö ti sese ni; tënë so lo tene ayeke so:

2 Agbia 19:15

Na pekoni, lo sambela KOTA GBIA, lo tene: “KOTA GBIA, Nzapa ti Israel, mo so mo yeke duti na ndö ti *asheruben, gi mo oko mo yeke Nzapa na ndö ti akodro-gbia ti sese kue, ngbanga ti so mo laa mo sara yayu na sese.

Jérémie 23:24

Tongana mbeni zo ahonde tere ti lo, mbi lingbi ti baa lo pepe? So tënë ti yanga ti KOTA GBIA laa. Mbi yeke na ndo kue: ataa na yayu wala na sese; ala hinga tongaso pepe? So tënë ti yanga ti KOTA GBIA laa.”

Ahebro 3:4

Da kue, zo laa asara ni, me lo so asara ye kue ayeke Nzapa.

Matthieu 5:34

Ti mbi, mbi tene na ala: ala deba yanga ti ala oko pepe. Ala deba na iri ti yayu pepe, ngbanga ti so yayu ayeke mbata ti Gbia Nzapa.

Ésaïe 40:12

Zo wa laa ahaka ngu ti kota ngu-ingo na ya ti maboko ti lo, zo wa? Zo wa laa azi ya ti ali ti maboko ti lo si lo sara konde ti konongo ti yayu, zo wa? Zo wa laa azia fuku ti sese na ya ti sembe ti hinga nengo ni, zo wa? Zo wa laa azia ahoto na akete hoto na ndö ti kilo si lo haka ala, zo wa?

Abia (Psaumes) 24:1

Bia ti David. Sese so na aye ti ndö ni kue ayeke ti *KOTA GBIA. Dunia so na azo ti ndö ni kue ayeke ti lo.

Ahebro 1:2

Me na ngoi ti ndani so e yeke daa, lo tene tënë na e na lege ti Molenge ti lo. Nzapa asara dunia mobimba na lege ti Molenge si lo zia Molenge ni titene aye kue aga ti lo.

Jean 1:1

Na tongo nda ni, Tënë ayeke daa; Tënë ni ayeke na tere ti Nzapa si Tënë ni ayeke Nzapa.

Ésaïe 40:28

Mo hinga pepe? Mo ma tënë ni pepe? KOTA GBIA ayeke Nzapa so angba lakue lakue; lo laa lo sara sese, alondo na mbeni yanga ni asi na mbeni yanga ni. Ngangu atia ti lo laoko pepe, lo woko laoko pepe. Hingango ye ti lo, zo oko alingbi ti gi nda ni pepe.

Zakarii 12:1

Nengo tënë. So ayeke tënë so *KOTA GBIA atene na ndö ti azo ti Israel. So tënë ti yanga ti KOTA GBIA laa, lo so lo gbara le ti nduzu si lo lu gere ti sese, lo so lo zia pupu na ya ti zo, lo tene:

Abia (Psaumes) 148:13

Ayeke nzoni ala sepela iri ti KOTA GBIA, ngbanga ti so lo oko laa lo yeke kota mingi, gonda ti lo amu ndö ti sese na yayu kue!

Jérémie 32:17

“Ae Kota Gbia NZAPA, mo laa mo sara yayu na sese na lege ti kota ngangu ti mo, na lege ti maboko ti mo so mo yoro. Mbeni ye so ayeke ngangu na mo ayeke daa pepe.

Ésaïe 45:18

*KOTA GBIA asara yayu; lo yeke Nzapa so lo sara sese, lo leke ni, lo sara si akpengba. Lo sara sese ni titene ndö ni angba senge pepe, lo sara ni titene azo alango daa. Tënë so lo tene ayeke so: “Mbi laa mbi yeke KOTA GBIA, mbeni nde ayeke daa pepe.

Abia (Psaumes) 146:5

Ti lo nzoni, zo so Nzapa ti Jacob ayeke mu maboko na lo si lo zia be ti lo ti ku KOTA GBIA, Nzapa ti lo!

Tongo nda ti aye 14:19

Lo sara tufa na ndö ti Abram, lo tene: “Ayeke nzoni Nzapa so ayeke na yayu kâ na ndö ti aye kue si lo sara yayu na sese, asara tufa na ndö ti Abram.

Tongo nda ti aye 14:22

Abram akiri tënë na lo, atene: “Baa, maboko ti mbi so mbi yeke yoro na mbage ti KOTA GBIA, Nzapa so ayeke na yayu kâ na ndö ti aye kue, lo so lo sara yayu na sese so.

Tongo nda ti aye 1:1

Na tongo nda ni, Nzapa asara yayu na sese.

Malashii 2:10

E kue, e yeke gi na babâ oko pepe? Gi Nzapa oko laa asara e kue pepe? Ngbanga ti nyen si e yeke ka amba ti e na popo ti e? Ngbanga ti nyen si e yeke buba lege ti *mbuki so Nzapa aleke ni na akotara ti e?

Rome 1:19

Biani, ye so azo alingbi ti hinga Nzapa na ni, ala baa ni kue na le ti ala awe: Nzapa wani afa ni na ala polele.