Awatokua 17:14 - Mbeti ti Nzapa - Tënë so amu fini

¹⁴ Tongaso a-ita, azo ti Christ, azia Paul na lege hio titene lo gue na yanga ti kota ngu-ingo; me Silas na Timothée angba ti ala na Bere.

Awatokua 17:14 Referans Kwoze

Awatokua 17:10

Gi na bi ni, a-ita, azo ti Christ, azia Paul na Silas na lege titene ala gue na gbata ti Bere. So ala si kâ, ala gue na da ti sambelango Nzapa ti azuife.

Matthieu 10:23

Tongana azo asara ngangu na ala na ya ti mbeni gbata, ayeke nzoni ala kpe ague na ya ti mbeni gbata nde. Mbi tene na ala taa-tënë: kozo titene *Molenge ti Zo akiri, fade ala yeke hunzi kua ti ala na ya ti agbata ti Israel kue pepe.

Awatokua 16:1

Paul asi na gbata ti Derbe nga na Listre. Mbeni disiple so iri ti lo Timothée ayeke kâ; mama ti lo ayeke mbeni zuife so ama na be, me babâ ti lo ayeke greke.

Awatokua 9:30

So a-ita ama tënë ni, ala mu Saul ague na lo na Sezare si ala tokua lo na Tarse.

Awatokua 9:25

Me na mbeni bi, adisiple ti lo amu lo, azia lo na ya ti sakpa, ala yoro lo na ya ti mbeni du ti tere ti gbagba so angoro gbata ni si ala zu lo na sese.

Tite 1:5

Mbi zia mo na zoa ti Krete titene mo leke tanga ti gere ti kua ni si mo zia nga *akangba na ndö ti a-Eglize so ayeke na ya ti agbata ni oko oko kue. Ayeke nzoni mo sara aye ni tongana ti so mbi fa na mo.

1 Timothée 1:3

Tongana ti so mbi mu lani yanga na mo na guengo ti mbi na sese ti Masedoane, ayeke nzoni mo ngba na gbata ti Efeze. Kâ, ambeni zo ayeke fa ye so alingbi na tënë ti Nzapa pepe. Alingbi mo ke na ala na kuru go ti fa aye ni so.

Awatokua 20:3

Lo sara kâ nze ota. Na ndembe so lo ye ti mu mangboko ti gue na sese ti Sirii, lo ma so azuife aleke tënë ti sara sioni na lo. Tongaso lo leke na be ti lo ti kiri ti hon na ya ti Masedoane.

Awatokua 19:22

Tongaso lo tokua na Masedoane Timothée na Eraste, ala so ayeke mu maboko na lo, me lo ngba ti lo kete na sese ti Azii.

Awatokua 15:22

Tongaso *awatokua na *akangba, ala na azo ti *Eglize ni kue ama tere ti soro ambeni zo na popo ti ala ti tokua ala na Antioshe, ala na Paul na Barnabas. Ala soro Judas so mbeni iri ti lo Barsabas, lo na Silas. A-ita, azo ti Christ, ane azo use so mingi.

Josué 2:16

Lo tene na ala: “Ala gue, ahonde tere ti ala na ndö ti ahoto titene azo so ayeke tumba peko ti ala so awara ala pepe. Ala ngba kâ na ya ti lango ota, ngbii azo ni akiri si. Na pekoni, fade ala mu lege ahon.”

Awatokua 1:15

Mbeni lâ, azo ti Jésus abongbi tere ti ala, li ti ala kue ayeke nduru na ngbangbo oko na baleuse. Pierre alondo na popo ti ala si lo tene:

Awatokua 17:4

Ambeni zuife, ala na ambeni wali ti kota ndo na gba ti agreke so ayeke voro Nzapa, ala yeda na tënë ni si ala mu peko ti Paul na Silas.

Awatokua 17:6

So ala wara Paul na Silas pepe, ala gbu Yason na ambeni ita, azo ti Christ si ague na ala na gbe ti akota zo ti gbata ni. Ala to nda ti dekongo, atene: “Azo so abi wusuwusu na ya ti dunia kue, fadeso ala si ge awe.

Awatokua 17:15

Azo so azia Paul na lege ague na lo ngbii asi na Athènes. So ala londo ti kiri na Bere, Paul amu yanga na ala ti tene na Silas na Timothée ti gue hio ti wara ti lo.

Awatokua 18:5

So Silas na Timothée alondo na Masedoane asi awe, Paul amu ngoi ti lo kue ti fa tënë ti Nzapa; lo yeke fa na azuife atene, Jésus ayeke *Mesii biani.