Awatokua 17:11 - Mbeti ti Nzapa - Tënë so amu fini

¹¹ Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni.

Awatokua 17:11 Referans Kwoze

Ésaïe 34:16

Tongana ala gi na ya ti mbeti ti KOTA GBIA, fade ala yeke diko tënë so: Na popo ti anyama so kue, mbeni oko angba na peko pepe, mbeni oko so ake ti ga ayeke daa pepe. KOTA GBIA laa amu yanga na ala, yingo ti lo laa abongbi ala.

Jean 5:39

Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi!

1 Tesalonike 2:13

Ndani laa, e nga, e yeke mu singila na Nzapa lakue ndali ti ye so: na ndembe so e fa lani na ala tënë ti Nzapa, ala ma ni si ala yamba ni tongana tënë ti zo pepe, me tongana tënë ti Nzapa biani: tënë ni ayeke tënë ti Nzapa so ayeke sara kua na be ti ala so ama na be.

Matthieu 13:23

Ambeni zo ayeke tongana nzoni sese so ale ti kobe atuku daa: ala ma tënë ni si ala ma ya ni nzoni. Ala le nzoni: ambeni ale ngbangbo oko, ambeni ale baleomene si ambeni ale baleota.”

Amato 9:9

Mu wango na zo ti ndara si fade lo ga zo ti ndara ahon ti kozoni. Fa ye na zo ti mbirimbiri si hingango ye ti lo akiri akono ahon ti kozoni.

Amato 1:5

Zo ti ndara so ayeke ma amato so, fade hingango ye ti lo ayeke kono ahon ti kozoni; zo so ahinga ndo, fade lo yeke manda anzoni kode so ayeke fa na lo nzoni lege.

1 Tesalonike 1:6

Ti ala, ala sara ye tongana ti e nga tongana ti Kota Gbia; ataa so ala wara tënë ti Nzapa na ya ti pasi mingi, Yingo-Vuru azia ngia na be ti ala.

Jean 3:21

Me zo so ayeke sara ye na lege ti taa-tënë, lo ga na ya ti lumiere. Tongaso, azo abaa aye so lo yeke sara si ala baa so, lo yeke ma yanga ti Nzapa.”

2 Tesalonike 2:10

Fade lo yeke sara aye ti sioni nde nde ti handa na azo so ayeke mu lege ti kuâ. Ala yeke na lege ti kuâ, ngbanga ti so ala ke ti yamba taa-tënë so alingbi fade ti soo ala na kuâ, ala ke nga ti ye taa-tënë ni.

1 Pierre 2:2

Ala duti tongana akete molenge so a du ala fafadeso: alingbi nzara ti tënë ti Nzapa asara ala tongana ti so nzara ti nyongo me ayeke sara kete molenge; tënë ti Nzapa so sioni ye oko ayeke daa pepe. Tongaso, na lege ni, fade ala yeke ga kota si ala soo kuâ.

Nzoni Tënë so Luc asu na mbeti 24:44

Na pekoni, lo tene na ala: “Na ndembe so mbi de na popo ti ala, mbi tene na ala, mbi tene: ayeke nzoni atënë so kue a su na ndö ti mbi na ya ti mbeti ti *Ndia ti Moïse, ti awayanga-Nzapa na ti Abia, aye ni asi alingbi na ni.”

Ésaïe 8:20

fade ala yeke kiri tënë na ala, atene: “E yeke kiri gi na ndö ti wango ti KOTA GBIA na tënë so lo tene.” Zo so atene tënë tongaso pepe, fade lo yeke baa lumiere ti ndaperere pepe.

Amato 8:10

Ala soro wango ti mbi, me nginza pepe; ayeke nzoni ala ye hingango ye ahon lôro ti nzoni ni.

Jacques 1:21

Ndani laa, ala zia lege ti sarango aye ti potopoto kue nga na lege ti sarango sioni ye kue. Ala yeda na nzoni be na tënë so Nzapa alu na ya ti be ti ala, tënë ni alingbi ti soo ala.

Abia (Psaumes) 119:148

Ade ndo ahan kue pepe, mbi zi le ti mbi ti gbu li ti mbi na ndö ti atënë ti yanga ti mo.

Abia (Psaumes) 119:100

Mbi hinga nda ti aye mbi hon akangba kue, ngbanga ti so mbi sara ye alingbi na andia ti mo.

Abia (Psaumes) 119:97

Mbi ye ndia ti mo mingi! Mbi yeke gbu li ti mbi daa lakue.

Awatokua 10:33

Nilaa mbi tokua azo hio ti iri mo si mo sara nzoni be, mo ga so. Fadeso, e kue, e yeke ge na dawa ti Nzapa, e yeke ku ti ma tënë so Kota Gbia amu yanga na mo ti tene na e.”

Awatokua 2:41

Azo so ayeda na tënë ti Pierre, ala wara bateme. Na lango ni so, azo nduru na saki ota ama na be si ala li na ya ti bongbi ti azo ti Jésus.

Mbeti ti Job 23:12

Mbi zia atënë ti yanga ti lo pepe ti sara mbeni ye nde; ambela ti lo kue, mbi bata ni na be ti mbi.

Awatokua 17:1

Paul na Silas ahon na ya ti agbata ti Anfipolis na ti Apolonii si ala si na Tesalonike. Kâ, mbeni da ti sambelango Nzapa ti azuife ayeke daa.

Awatokua 11:1

*Awatokua na a-ita, azo ti Jésus so ayeke na Judée ama a tene, azo ti amara nde nga ayeda na tënë ti Nzapa.

Nzoni Tënë so Luc asu na mbeti 16:29

Abraham atene na lo: ‘*Ndia ti Moïse na ambeti ti awayanga-Nzapa ayeke na popo ti ala: ayeke nzoni ala ma ni.’

Jérémie 2:21

Mbi lu mo ando tongana pendere keke ti vinye, tongana kete keke so apendere mingi. Ye ni asara tongana nyen laa mo kiri mo ga sioni vinye so zo ahinga li ti lo na ni pepe?

Nzoni Tënë so Luc asu na mbeti 1:2

ala su ni na mbeti ti fa peko ti tënë ti azo so abaa ye ni na le ti ala, ngbene ye na tongo nda ni si ala ga azo ti fango tënë ti Nzapa.

Nzoni Tënë so Luc asu na mbeti 11:3

Mu na e na ya ti lango oko oko, kobe so alingbi na e.