Awatokua 16:30 - Mbeti ti Nzapa - Tënë so amu fini

³⁰ Na pekoni, lo mu ala, lo sigigi na ala si lo hunda ala, lo tene: “Akota zo, fade mbi yeke sara nyen titene mbi soo kuâ?”

Awatokua 16:30 Referans Kwoze

Awatokua 2:37

So azo ni ama tënë so, tënë ni agbu be ti ala mingi si ala hunda Pierre na ambeni watokua ni, atene: “A-ita, nyen laa alingbi e sara?”

Awatokua 22:10

Mbi hunda ndo, mbi tene: ‘Kota Gbia, fade mbi sara nyen?’ Kota Gbia atene na mbi: ‘Londo, mo gue na Damas. Kâ, fade a yeke fa na mo ye so kue Nzapa amu yanga titene mo sara.’

Awatokua 14:15

“Azo! Ala yeke sara ye so ngbanga ti nyen? E yeke gi azo tongana ala! E ga ge ti fa Nzoni Tënë titene ala zia lege ti abuba ye so ala yeke voro so, ala mu be ti ala na Nzapa so ayeke na fini, lo so asara yayu, na sese na kota ngu-ingo na aye so kue ayeke na ya ni.

Nzoni Tënë so Luc asu na mbeti 3:10

Gba ti azo ni ahunda Jean, atene: “Nyen laa e lingbi ti sara?”

Matthieu 3:8

Ala sara ye so afa atene, ala zia ngbene lege ti sarango ye ti ala awe!

Ésaïe 58:9

Na ndembe so mo yeke iri ndo, KOTA GBIA ayeke yeda; na ndembe so mo yeke dekongo, lo yeke tene: “Mbi laa!” Tongana mo zi zuge na ya ti kodro ti mo, tongana mo zia ti yoro maboko na le ti azo, tongana mo zia ti tene sioni tënë na iri ti azo,

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.

Awatokua 16:24

So wabatango da ti kanga ni ama tënë so, lo bi ala na ya ti mbeni kete kubu so ayeke na ngbonda ti da ti kanga ni. Lo kanga gere ti ala na ya ti akota keke.

Awatokua 16:17

Lo mu peko ti e na Paul si lo yeke dekongo, atene: “Azo so ayeke azo ti kua ti Nzapa, lo so lo yeke na yayu kâ na ndö ti aye kue! Ala yeke fa na ala azo, lege titene ala soo kuâ!”

Awatokua 9:6

Me mo londo, mo li na ya ti gbata ni. Kâ, fade a yeke fa na mo ye so mo lingbi ti sara.”

Mbeti ti Job 25:4

Zo alingbi ti tene ni yeke zo ti mbirimbiri na le ti Nzapa tongana nyen? Zo so wali adu lo, lo lingbi ti tene ni yeke *nzoni tongana nyen?

Matthieu 5:7

Ti ala nzoni, ala so ayeke baa mawa ti amba ti ala, ngbanga ti so Nzapa ayeke baa ande mawa ti ala!

Ésaïe 58:6

Kengo kobe so mbi ye ayeke so: ti zi zingiri na tere ti azo so a kanga ala na mbana, ti zi ala na gbe ti nengo kungba, ti zi azo so amba ti ala asara ngangu na ala, ti fâ ya ti *zuge kue,

Mbeti ti Job 34:32

Asioni so mbi baa pepe so, mo wani, fa ni na mbi. Tongana mbi sara sioni, fade mbi yeke kiri ti sara ni pepe.”