Awatokua 15:9 - Mbeti ti Nzapa - Tënë so amu fini

⁹ Na le ti lo, e na ala kue, e yeke gi oko. Lo sukula be ti ala, ngbanga ti so ala ma na be.

Awatokua 15:9 Referans Kwoze

Efeze 3:6

Tënë ni ayeke so: na lege ti Nzoni Tënë, azo ti amara nde awara anzoni ye ti Nzapa legeoko na azuife; ala na azuife ayeke na ya ti tere oko. Na lege ti gango so ala ga oko na Jésus Christ, ala kue ayeke ku oko ye so Nzapa amu zendo ni.

Awatokua 10:28

Lo tene na ala: “Ala hinga kue: *Ndia amu lege pepe na zuife ti gue na ndo ti zo ti mbeni mara nde nga ti li na da ti lo. Me ti mbi, Nzapa afa na mbi atene, ayeke nzoni mbi baa mbeni zo tongana zo so ayeke *sioni pepe wala zo so alingbi pepe ti sara beoko na lo.

Kolose 3:11

Nilaa greke wala zuife ayeke daa mbeni pepe, zo so afâ *ganza wala zo so afâ ganza pepe, zo ti amara nde wala basanzi, ngbaa wala zo so ayeke ngbaa pepe ayeke daa mbeni pepe; me kota ye ni ayeke so: Christ ayeke ye kue si lo yeke na be ti azo ti lo kue.

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

1 Korente 1:2

na *Eglize ti Nzapa so ayeke na gbata ti Korente, ala so aga azo ti Nzapa na lege ti gango so ala ga oko na Jésus Christ, ala so Nzapa airi ala si lo zia ala nde ndali ti lo wani. Lo iri nga azo so kue ayeke na ando nde nde si ala yeke di iri ti *Kota Gbia ti e Jésus Christ, so lo yeke Kota Gbia ti ala si lo yeke nga Kota Gbia ti e.

Rome 3:22

Nzapa asara si azo aga mbirimbiri na le ti lo na lege so ala ma na be na Jésus Christ. Lo sara ni ndali ti azo so kue ama na be na Christ, ngbanga ti so kangbi ayeke na popo ti ala pepe:

Awatokua 11:12

Yingo atene na mbi: ‘Mbi gi be ti mbi pepe, me mbi na ala e gue.’ A-ita ti Zope omene so ala yeke baa ala ge so, mbi na ala laa e gue si e li na da ti Corneille.

1 Pierre 1:22

So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.

Awatokua 10:34

Tongaso Pierre amu tënë si lo tene: “Taa-tënë, mbi hinga fadeso mbi tene, Nzapa ayeke gonda zo ndali ti le ti zo ni pepe.

1 Korente 7:18

Mbeni zo afâ *ganza awe si Nzapa airi lo? Alingbi lo honde tënë ti ganza ti lo ni pepe. Mbeni zo ade ti fâ ganza pepe si Nzapa airi lo? Alingbi a fâ lo na ganza pepe.

Rome 9:24

Azo ni ayeke e so lo iri e; ambeni, lo iri ala na popo ti azuife, gi ala oko pepe, me lo iri nga ambeni na popo ti azo ti amara nde.

Rome 3:9

Nyen? E azuife, e hon tanga ti azo kue? Oko pepe! Mbi fa tënë so kozoni awe, mbi tene: azuife na azo ti amara nde kue ayeke na gbe ti komandema ti siokpari.

Awatokua 14:27

So ala si na Antioshe, ala bongbi azo ti Eglize ni si ala fa na ala peko ti aye so kue Nzapa asara na lege ti ala. Ala fa nga na azo ni lege so Nzapa azi lege na azo ti amara nde ti ma na be.

Awatokua 14:1

So Paul na Barnabas asi na Ikoniom, ye so asi na Antioshe, gi ni laa asi kâ: ala li na ya ti da ti sambelango Nzapa ti azuife, ala fa tënë si gba ti azuife na azo ti amara nde ama na be.

Awatokua 10:15

Go ni akiri atene na lo: “Ye so Nzapa asara si aga *nzoni awe, mo baa ni tongana *sioni ye pepe.”

Abia (Psaumes) 51:10

Sara si mbi ma atënë ti ngia si tere ti mbi anzere. Tongaso si mbi so mo kungbi mbi awe, mbi londo ti dodo.

Ezekiel 47:22

Ala yeke bi mbeni ye ti hinga lege so ala yeke kangbi sese ni na popo ti ala. Ala yeke kangbi nga sese ni na awande so ayeke lango na popo ti ala, ala so adu amolenge na sese ni. Fade ala yeke baa awande ni tongana azo ti Israel, tongana amolenge ti kodro. Awande ni na ala, azo ti mara ti Israel, ayeke kangbi sese ni ti ga ye ti ala.