Awatokua 15:5 - Mbeti ti Nzapa - Tënë so amu fini

⁵ Me ambeni *farizien so ama na be alondo, ala mu tënë si ala tene: “Alingbi azo ti amara nde afâ ganza, a mu nga yanga na ala ti bata *Ndia ti Moïse.”

Awatokua 15:5 Referans Kwoze

Awatokua 15:1

Ambeni zo alondo na Judée, ala ga na Antioshe ti sese ti Sirii si ala yeke fa ye na a-ita, atene: “Tongana ala fâ *ganza alingbi na *Ndia ti Moïse pepe, ala lingbi ti soo kuâ pepe.”

Awatokua 21:20

So ala ma tënë ti lo awe, ala gonda Nzapa. Na pekoni, ala tene na Paul: “Ita, mo baa, azuife saki na saki ama na be si ala mu be ti ala kue ti bata *Ndia ti Moïse.

Awatokua 15:24

E ma a tene, ambeni zo alondo na popo ti e, ague, abuba be ti ala si be ti ala angba na nduzu na lege ti tënë so ala tene. E laa e mu yanga na azo ni ti sara ye so pepe.

Awatokua 24:5

E baa so, koli so ayeke sioni mingi: lo yeke bi wusuwusu na popo ti azuife ti dunia kue, lo yeke makonzi ti sioni bongbi so iri ni bongbi ti Nazaret.

Matthieu 3:7

So Jean abaa gba ti *afarizien na *asadusien ayeke ga na tere ti lo titene ala wara bateme, lo tene na ala: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?

Awatokua 5:17

Tongaso, kota wayango-sandaga na azo ti tere ti lo, so ti tene azo ti bongbi ti *asadusien, kota be asara ala na tere ti *awatokua si ala ye ti sara mbeni ye.

Awatokua 24:14

Me ye so mbi hinga na dawa ti mo ayeke so: mbi yeke voro Nzapa ti akotara ti e, mbi yeke sara ni alingbi na lege so Jésus afa na e; me azo ni atene, so ayeke sioni lege. Mbi yeda nga na atënë so kue a su na ya ti *Ndia ti Moïse na ambeti ti awayanga-Nzapa.

Awatokua 28:22

Me e ye ti ma na yanga ti mo wani ye so ayeke na be ti mo, ngbanga ti so e hinga, e tene, na ndo kue azo ayeke ke tënë ti bongbi so mo yeke na ya ni.”

1 Korente 7:18

Mbeni zo afâ *ganza awe si Nzapa airi lo? Alingbi lo honde tënë ti ganza ti lo ni pepe. Mbeni zo ade ti fâ ganza pepe si Nzapa airi lo? Alingbi a fâ lo na ganza pepe.

Galasii 2:11

Me na ndembe so Pierre asi na Antioshe, mbi ke tënë na le ti lo polele, ndali ti so lo sara ye na legeni pepe.

Galasii 2:14

So mbi baa ala yeke sara ye mbirimbiri alingbi na Nzoni Tënë pepe, mbi tene na Pierre na le ti azo kue, mbi tene: “Mo so mo yeke zuife, mo yeke sara ye tongana azo ti amara nde, mo yeke sara ye tongana zuife pepe. Asara tongana nyen si mo yeke gbu azo ti amara nde na ngangu titene ala sara ye tongana azuife so?”