Awatokua 14:3 - Mbeti ti Nzapa - Tënë so amu fini

³ Ataa so kue, Paul na Barnabas angba na Ikoniom aninga. Ala fa tënë ti *Kota Gbia na mbeto pepe, ngbanga ti so ala zia be ti ala kue na ndö ti lo. Lo mu na ala ngangu ti sarango aye ti kpene na aye ti dongo be ti fa na azo atene, atënë so ala yeke fa na ndö ti nzoni be ti lo ayeke taa-tënë.

Awatokua 14:3 Referans Kwoze

Ahebro 2:4

Nzapa nga afa atene, tënë ni ayeke taa-tënë na lege ti aye ti kpene nde nde na aye ti dongo be nga na amatabisi ti Yingo-Vuru so lo kangbi na azo tongana ti so be ti lo aye.

Awatokua 20:32

“Fadeso, mbi zia ala na maboko ti Nzapa, mbi zia nga ala titene tënë ti nzoni be ti lo abata ala. Nzapa ayeke na ngangu ti kpengba ala, ti mu na ala anzoni ye so kue lo bata ni ndali ti azo ti lo.

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

1 Tesalonike 2:2

Ala hinga nga atene, kozoni na gbata ti Filipe, azo azonga e si e baa pasi. Me na ya ti aye ti ngangu mingi, Nzapa amu ngangu na be ti e ti fa Nzoni Tënë ti lo na ala, azo ti Tesalonike.

Rome 1:16

Biani, kamene ti fango Nzoni Tënë asara mbi pepe: Nzoni Tënë ni ayeke ngangu ti Nzapa so lo mu ti soo azo so kue ama na be, azuife kozoni, na pekoni azo ti amara nde.

Marc 16:20

Adisiple ague ti fa Nzoni Tënë na ndo kue. Kota Gbia ayeke sara aye ti kpene na lege ti ala ti fa na azo so tënë ti Nzapa ayeke taa-tënë.]

Awatokua 5:32

E yeke tene tënë ti aye so e baa na le ti e, e na Yingo-Vuru so Nzapa amu lo na azo so ama yanga ti lo.”

Awatokua 2:22

“Azo ti Israel, ala ma tënë so! Jésus, zo ti Nazaret ayeke mbeni zo so Nzapa afa na le ti ala so ni laa ni tokua lo. Nilaa Nzapa asara akota ye, na aye ti dongo be na aye ti kpene na lege ti lo. Ala wani, ala baa aye ni, ngbanga ti so aye ni kue asi gi na popo ti ala.

Awatokua 13:46

Tongaso Paul na Barnabas akiri atene na ala polele, atene: “Ala fade laa, e lingbi ti fa tënë ti Nzapa na ala kozoni. Me ndali ti so ala ke ni awe si ala wani abaa tere ti ala atene, fini so angba lakue lakue, ala lingbi na ni pepe, e yeke zia ala ti gue na mbage ti azo ti amara nde.

Jean 4:48

Jésus atene na lo: “Tongana ala baa ye ti kpene na ye ti dongo pepe, fade ala yeke ma na be oko pepe!”

Awatokua 4:31

So ala hunzi sambela ni awe, ndo so ala bongbi daa so ayingi. Ala si na Yingo-Vuru si ala yeke fa tënë ti Nzapa na mbeto pepe.