Awatokua 14:17 - Mbeti ti Nzapa - Tënë so amu fini

¹⁷ Me lo fa so lo yeke Nzapa na lege ti anzoni ye so lo ngba ti sara na azo: lo mu na ala ngu-Nzapa na anzoni ngoi titene akobe ale nzoni, lo mu na ala kobe si lo zia ngia mingi na be ti ala.”

Awatokua 14:17 Referans Kwoze

Joël 2:23

Ala azo so ayeke lango na *Sion, ala dodo na ngia, ala duti na ngia ndali ti KOTA GBIA, Nzapa ti ala. Na peko ti buru, lo yeke tokua na ala ngu-Nzapa ti zi ala na ya ti kpale, lo yeke tokua na ala ngu-Nzapa alingbi na angoi ni tongana ti kozoni.

Mbeti ti Job 5:10

Lo yeke sara si ngu-Nzapa apika na ndö ti sese kue; lo yeke tokua ngu-Nzapa na ndö ti ayaka.

Ndia ti fani use ni 11:14

fade lo yeke sara titene ngu-Nzapa apika na ndö ti sese ti ala na ngoi ni so alingbi: ngu-Nzapa ti kozo ngoi na ngu-Nzapa ti ndangba ngoi. Tongaso, fade ala yeke wara anzoni le ti kobe, *ble, fini vin na mafuta.

Ésaïe 5:6

Fade mbi yeke zia yaka ni aga ngonda; zo ti fango *aguruma ni ayeke daa pepe, zo ti sukulango gbe ni ayeke daa pepe; aki na asioni kamba ti aki ayeke suku amu ndö ni kue. Fade mbi yeke mu yanga na ambinda ti gbanzi ngu ti pika na ndö ti yaka ni.”

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.

Ezekiel 34:26

Mbi yeke sara tufa na ndö ti ala nga na ndö ti ando nde nde so ayeke na tere ti hoto ti mbi. Mbi yeke sara titene ngu-Nzapa apika na ngoi ni, ngu-Nzapa so ayeke sara nzoni na zo.

Jérémie 5:24

Ala tene na be ti ala pepe, atene: ‘Ayeke nzoni e kpe mbeto ti KOTA GBIA, Nzapa ti e, lo so lo yeke mu na e ngu-Nzapa na ngoi ni so alingbi: ngu-Nzapa ti kozo ngoi, ngu-Nzapa ti ndangba ngoi. Na ya ti ngu oko oko, lo laa lo yeke bata na e ngoi ti kongo ale ti kobe.’

Abia (Psaumes) 145:9

KOTA GBIA ayeke sara nzoni na azo kue, lo yeke baa mawa ti aye so kue lo sara.

Ndia ti fani use ni 28:12

KOTA GBIA ayeke zi le ti nduzu, ndo so lo yeke bata ngu-Nzapa daa; lo yeke sara si ngu ni apika na ngoi ni na ndö ti sese ti ala, ti sara si aye so kue ala yeke sara aga nzoni. Fade ala yeke hunda yongo na maboko ti zo oko pepe; me ala laa ayeke mu yongo na gba ti azo ti amara nde.

Awayango-sandaga 26:4

fade mbi yeke tokua na ala ngu-Nzapa na ngoi ni so alingbi. Tongaso sese ayeke du ale ti kobe si akeke ayeke du alengo ni.

Nzoni Tënë so Luc asu na mbeti 6:35

Me ala ye awato ti ala, ala sara nzoni na azo! Ala sara boon na azo, me ala ku ti wara mbeni ye na peko ni pepe. Tongaso si ala yeke wara ande kota ye ti nzoni na pekoni si ala yeke duti amolenge ti Nzapa so ayeke na yayu kâ na ndö ti aye kue. Nzapa ayeke sara nzoni na azo so ahinga ti mu singila pepe nga na azo ti sioni.

Jérémie 14:22

Na popo ti asenge senge ye ti amara nde, mbeni yanda oko ayeke daa so alingbi ti sara si ngu apika? Yayu laa asara si ngu ayeke pika? KOTA GBIA Nzapa ti e, mo laa mo sara ye so pepe? E zia be ti e ti ku mo, ngbanga ti so mo laa mo sara aye so kue.”

Abia (Psaumes) 52:1

Bia so ayeke ndali ti makonzi-bia; bia ti fango ye na zo; bia ti David.

Mbeti ti Job 37:6

Lo yeke mu yanga na *neze: “Ti na ndö ti sese!” Lo yeke zia lege na ngu-Nzapa, nga na kota ngu-Nzapa ti pika ngangu.

Néhémie 9:25

Ala mu agbata so ngangu gbagba ayeke na tere ni, asese so ayeke du akobe mingi, ada so asi singo na mara ti amosoro nde nde, adu ti ngu so a zi ni awe, ayaka ti *vinye na ti olive nga na gba ti akeke so ayeke le mingi. Ndali ti nzoni be ti mo, ala te ye, ya ti ala asi, ala kono, ala duti na ngia.

1 Agbia 18:1

Lango mingi ahon na pekoni, na ngu ota ni so ngu apika pepe, tënë ti *KOTA GBIA asi na Élie, atene: “Gue mo fa tere ti mo na gbia Akab; fade mbi yeke tokua ngu-Nzapa na ndö ti sese.”

Matthieu 5:45

Tongaso si ala lingbi ti ga amolenge ti Babâ ti ala so ayeke na yayu. Babâ ti ala ni ayeke sara si lâ ti lo asu na ndö ti anzoni zo nga na ndö ti asioni zo kue. Lo yeke tokua ngu-Nzapa na ndö ti azo ti mbirimbiri nga na ndö ti azo ti kirikiri.

Ésaïe 22:13

Andaa ala yeke dodo, ala yeke sara ngia: ala fâ abagara, ala fâ ataba, ala te nyama, ala nyon vin. Ala tene: “E te, e nyon, ngbanga ti so kekereke, e yeke kui.”

Mbeti ti Job 36:31

Na lege ti aye so laa lo yeke fâ ngbanga ti azo, lo yeke mu kobe gbani gbani na azo.

Abia (Psaumes) 4:7

Ala yeke mingi, ala so ayeke toto tere ti ala, atene: “Zo wa laa ayeke sara si e duti nzoni? KOTA GBIA, baa e na nzoni le maa!”

Ésaïe 40:21

Ala hinga tënë so pepe? Ala ma tënë so pepe? A fa tënë ni na ala ngbene ye na tongo nda ni pepe? Ala hinga nda ti ziango gere ti dunia pepe?

Awatokua 14:18

Awatokua atene atënë so kue, me ayeke ngangu na ala ti kanga lege na gba ti azo ni ti mu na ala sandaga.

Awatokua 17:26

Na lege ti zo oko, lo sara azo ti amara kue si lo zia ala na ndö ti sese kue. Lo leke angoi ti dutingo ti amara oko oko na ndö ti dunia so, lo fa katikati ti sese ti ala.