Awatokua 14:15 - Mbeti ti Nzapa - Tënë so amu fini

¹⁵ “Azo! Ala yeke sara ye so ngbanga ti nyen? E yeke gi azo tongana ala! E ga ge ti fa Nzoni Tënë titene ala zia lege ti abuba ye so ala yeke voro so, ala mu be ti ala na Nzapa so ayeke na fini, lo so asara yayu, na sese na kota ngu-ingo na aye so kue ayeke na ya ni.

Awatokua 14:15 Referans Kwoze

Jacques 5:17

Élie ayeke ando zo tongana e: lo sambela ngangu titene ngu apika pepe si na ya ti ngu ota na nze omene, ngu apika na ndö ti sese pepe.

1 Korente 8:4

Tongaso, e lingbi ti te kasa ti anyama so azo aya na sandaga na anzapa nde so? E hinga so mbeni nzapa nde ayeke na dunia so pepe, Nzapa ayeke gi oko.

Awatokua 10:26

Me Pierre amu lo na nduzu si atene na lo: “Londo, ngbanga ti so mbi nga, mbi yeke gi zo senge.”

1 Samuel 12:21

Ala gue yongoro na lo pepe; tongaso pepe, fade ala yeke gue na peko ti anzapa so ayeke asenge ye, anzapa so alingbi nga ti zi ala na ya ti ye ti ngangu pepe, ngbanga ti so anzapa ni ayeke asenge ye.

Aye so Nzapa afa 14:7

Lo yeke dekongo, lo tene: “Ala kpe mbeto ti Nzapa! Ala gonda lo ndali ti so ndembe titene lo fâ ngbanga na li ti azo alingbi awe. Ala voro lo, lo so lo sara yayu, sese, akota ngu-ingo nga na ali ti ngu!”

Jérémie 14:22

Na popo ti asenge senge ye ti amara nde, mbeni yanda oko ayeke daa so alingbi ti sara si ngu apika? Yayu laa asara si ngu ayeke pika? KOTA GBIA Nzapa ti e, mo laa mo sara ye so pepe? E zia be ti e ti ku mo, ngbanga ti so mo laa mo sara aye so kue.”

Tongo nda ti aye 1:1

Na tongo nda ni, Nzapa asara yayu na sese.

1 Tesalonike 1:9

Azo kue ayeke tene tënë ti yambango so ala yamba lani na e na ndembe so e si na ndo ti ala. Azo atene nga tënë ti ziango so ala zia lege ti anzapa nde ti kiri na mbage ti Nzapa titene ala sara kua na lo, lo so lo yeke na fini si lo yeke taa Nzapa.

Efeze 4:17

Tongaso, na iri ti *Kota Gbia, mbi yeke tene tënë so biani na ala: ala kiri asara ye tongana ti azo ti amara nde pepe, ngbanga ti so atënë ti be ti azo ti amara nde ayeke buba ye.

Jonas 2:8

So mbi ga nduru na kuâ, be ti mbi ati na ndö ti mo, KOTA GBIA. Mbi sambela mo si mo ma sambela ti mbi na ya ti kota da ti mo so ayeke nde si ayeke nzoni kue so.

Ndia ti fani use ni 32:21

Ala sara si mbanda ti mbi alondo na lege ti vorongo anzapa so ayeke taa Nzapa pepe; ala zia ngonzo na be ti mbi na lege ti ayanda ti ala. Mbi nga, mbi yeke sara si mbanda ti ala alondo na lege ti ye so ayeke taa mara pepe, mbi yeke zia ngonzo na be ti ala na lege ti mbeni mara so ahinga ndo pepe.

Awatokua 4:24

So amba ti ala ama tënë so, ala bongbi yanga oko si ala sambela Nzapa, atene: “Gbia, mo laa mo sara yayu na sese, kota ngu-ingo na aye so kue ayeke na ya ni!

Matthieu 16:16

Simon Pierre akiri tënë: “Mo yeke *Mesii, Molenge ti Nzapa so ayeke na fini.”

Jérémie 32:17

“Ae Kota Gbia NZAPA, mo laa mo sara yayu na sese na lege ti kota ngangu ti mo, na lege ti maboko ti mo so mo yoro. Mbeni ye so ayeke ngangu na mo ayeke daa pepe.

Abia (Psaumes) 31:6

Mbi zia fini ti mbi na maboko ti mo. KOTA GBIA, mo so mo yeke taa Nzapa so, mo laa mo zi mbi na ya ti kuâ.

Sigingo 20:11

Biani, na ya ti lango omene, mbi KOTA GBIA, mbi sara yayu, sese, kota ngu-ingo na aye so kue ayeke na ya ni. Me na lango mbarambara ni, mbi wu tere ti mbi. Ndani laa mbi sara tufa na ndö ti lango ti wungo tere si mbi zia ni nde ndali ti mbi.

Ahebro 3:12

A-ita, le ti ala akpengba! Mbeni zo oko na popo ti ala asara sioni be wala adekite pepe, tongaso si lo zia lege ti Nzapa pepe, lo so lo yeke na fini.

1 Timothée 3:15

Me tongana mbi si hio pepe, mbi ye mo hinga lege ti duti na popo ti azo ti Nzapa, so ti tene na popo ti azo ti *Eglize ti Nzapa, lo so lo yeke na fini. Eglize ni ayeke ya taa-tënë na nduzu si ayeke gbu ni ngangu.

Awatokua 14:21

Paul na Barnabas afa Nzoni Tënë na gbata ti Derbe si azo mingi aga adisiple. Na pekoni, ala kiri na Listre, Ikoniom nga na Antioshe, na sese ti Pisidii.

Jean 7:18

Zo so ayeke tene gi tënë ti be ti lo, lo yeke gi titene azo agonda lo. Me zo so ayeke gi titene azo agonda zo so atokua lo, lo yeke tene gi taa-tënë; tënë ti mvene ayeke na yanga ti lo pepe.

Zakarii 12:1

Nengo tënë. So ayeke tënë so *KOTA GBIA atene na ndö ti azo ti Israel. So tënë ti yanga ti KOTA GBIA laa, lo so lo gbara le ti nduzu si lo lu gere ti sese, lo so lo zia pupu na ya ti zo, lo tene:

Jérémie 10:8

Ala kue kue kue, ala yeke azo so li ti ala ayeke daa pepe, ala yeke abuba zo. Ayanda ni alingbi ti fa ye oko pepe, ala yeke gi keke senge.

Jérémie 8:19

Na ya ti mbeni kodro yongoro, azo ti mbi ayeke dekongo; ala yeke iri ndo titene a mu maboko na ala, ala tene: “KOTA GBIA ayeke na *Sion mbeni pepe? Gbia ti Sion ayeke daa mbeni pepe?” “Ngbanga ti nyen si azo so agi yanga ti mbi na vorongo anzapa ti awande so? Andaa so ayeke gi abuba ye so awande aleke ni.”

Ésaïe 46:7

Ala yeke zia nzapa ni na ndö ti go ti ala, ala yo lo, ague na lo si azia lo na ndo ti lo. Nzapa ni ayeke ngba gi na ndo ni so, lo yeke gue na mbeni ndo pepe. Ataa zo adekongo na lo, lo yeke kiri tënë pepe. Lo lingbi ti soo zo ni pepe na ya ti ye ti ngangu.

Ésaïe 45:20

Ala, amara nde so angba na fini, ala bongbi tere ti ala, ala ga! Ala ga legeoko. Azo so ayeke yo ayanda ti ala ti keke, ala so ayeke sambela nzapa so alingbi ti soo zo pepe, ala hinga ndo pepe.

Ésaïe 45:18

*KOTA GBIA asara yayu; lo yeke Nzapa so lo sara sese, lo leke ni, lo sara si akpengba. Lo sara sese ni titene ndö ni angba senge pepe, lo sara ni titene azo alango daa. Tënë so lo tene ayeke so: “Mbi laa mbi yeke KOTA GBIA, mbeni nde ayeke daa pepe.

Abia (Psaumes) 124:8

Zo ti mungo maboko na e ayeke KOTA GBIA wani, lo so lo sara yayu na sese.

Abia (Psaumes) 33:6

Na lege ti tënë ti lo, KOTA GBIA asara yayu; na lege ti pupu ti yanga ti lo, lo sara aye so kue ayeke na le ti nduzu.

Ndia ti fani use ni 5:26

Zo wa laa ama laoko go ti Nzapa so ayeke na fini, lo tene tënë na zo ni na ya ti wâ tongana ti e so si lo ngba na fini?

Aye so Nzapa afa 22:9

Me lo tene na mbi: “Sara ye tongaso pepe! Mbi yeke gi mba ti mo zo ti kua; mbi yeke nga mba ti a-ita ti mo awayanga-Nzapa, na ala so kue asara ye alingbi na tënë ti ya ti buku so. Mo voro gi Nzapa!”

Aye so Nzapa afa 19:19

Mbi baa nyama ni, agbia ti ndö ti sese nga na aturugu ti ala. Ala bongbi tere ti ala ti tiri na lo so ayeke duti na ndö ti mbarata ni, lo na aturugu ti lo.

Aye so Nzapa afa 19:10

Mbi kuku na gbe ti ange ni ti voro lo, me lo tene na mbi: “Sara ye tongaso pepe! Mbi yeke gi mba ti mo, zo ti kua; mbi yeke nga mba ti a-ita ti mo na ti azo so kue abata taa-tënë so Jésus afa. Mo voro gi Nzapa!” Taa-tënë so Jésus afa, ni laa amu ngangu na awayanga-Nzapa ti sara na kua ti ala.

Awatokua 27:25

Tongaso, a-ita, ala gbu ngangu! Biani, mbi zia be ti mbi na Nzapa: ye ni ayeke si ande gi tongana ti so lo tene na mbi.

Awatokua 27:21

Asara lango mingi, azo ti ya ti mangboko ni ate kobe pepe. Paul aluti na dawa ti ala si lo tene na ala: “A-ita, tongana ala ma fade wango ti mbi si ala ngba na Krete, ka e baa pasi si aye abuba tongaso pepe.

Awatokua 27:10

“A-ita, mbi baa so tambula ni ayeke duti ande ngangu: mangboko ni na akungba ti ya ni kue ayeke buba mingi, e nga, e yeke na ya ti kuâ.”

Awatokua 16:30

Na pekoni, lo mu ala, lo sigigi na ala si lo hunda ala, lo tene: “Akota zo, fade mbi yeke sara nyen titene mbi soo kuâ?”

Awatokua 14:7

Kâ, ala fa Nzoni Tënë.

Awatokua 13:32

E nga, e yeke fa na ala Nzoni Tënë so: Nzoni Tënë so Nzapa amu zendo ni na akotara ti e.

Awatokua 7:26

Lango oko na pekoni, lo baa azo ti Israel use so ayeke tiri si lo gue ti leke songo na popo ti ala. Lo tene na ala: ‘A-ita ti mbi, ala ma mbi; ala yeke a-ita, ala yeke tiri ngbanga ti nyen?’

Jean 5:26

Babâ ni ayeke na ngangu ti mu fini na zo, Molenge ni nga ayeke na ngangu ti mu fini na zo, ngbanga ti so Babâ amu na lo ngangu ni awe.

Amos 2:4

Tënë so KOTA GBIA atene ayeke so: “Mbi yeke na tënë na azo ti Juda ndali ti asioni ye ota, wala osio so ala sara: ala baa ndia ti mbi KOTA GBIA tongana mbumbuse ye, ala ke ti sara ye alingbi na ambela ti mbi; ala mu peko ti anzapa ti mvene tongana ti so akotara ti ala asara ando. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Daniel 6:26

Na pekoni gbia Darius asara mbeti si lo tokua na azo nde nde kue, azo ti amara nde nde kue na azo ti ayanga ti kodro nde nde kue so asara kodro na ndö ti sese kue; lo tene: “Ayeke nzoni siriri asi ala singo!

2 Agbia 19:16

KOTA GBIA, dingi mê ti mo, mo ma si! KOTA GBIA, zi le ti mo, mo baa ye si! Mo ma atënë ti Senakerib, lo so lo tokua makonzi ti aturugu ti batango lo titene lo zonga Nzapa so ayeke na fini so!

2 Agbia 19:4

Gbia ti Asirii atokua makonzi ti aturugu ti lo ti zonga Nzapa so ayeke na fini. E hinga pepe, wala KOTA GBIA, Nzapa ti mo ama tënë ti zonga ni kue si lo pika lo ndali ti asioni tënë so lo tene so! Ti mo Ésaïe, sambela Nzapa ndali ti tanga ti azo so angba na fini so.’ ”

1 Agbia 16:26

Lo mu peko ti asioni sarango ye kue ti Yeroboam, molenge ti Nebat. Yeroboam apusu lani azo ti Israel titene ala sara siokpari na lege ti vorongo afungo nzapa; ye so asara si ngonzo ti KOTA GBIA, Nzapa ti Israel alondo.

1 Agbia 16:13

Aye so kue asi ndali ti siokpari so Basha na molenge ti lo Ela asara na lege ti vorongo afungo nzapa. Ala pusu azo ti Israel ti sara siokpari tongana ti so ala wani asara; ye so asara si ngonzo ti *KOTA GBIA, Nzapa ti Israel alondo.

1 Samuel 17:36

Lege so mbi zo ti gbe ti mo, mbi fâ bamara, mbi fâ nga urse laa. Zo ti Filistii so ahinga Nzapa pepe so, fade mbi yeke sara na lo tongana ti so mbi sara na anyama use so, ngbanga ti so lo gi yanga ti aturugu ti Nzapa, Nzapa so ayeke na fini.”

1 Samuel 17:26

David ahunda azo so ayeke luti nduru na tere ti lo so, atene: “Zo so ayeke fâ zo ti Filistii so si ayeke zi kamene na le ti azo ti Israel, fade a yeke sara nyen na lo? Zo ti Filistii so ahinga Nzapa pepe so, lo yeke zo wa si lo yeke gi yanga ti aturugu ti Nzapa so ayeke na fini so?”

Josué 3:10

Na pekoni lo kiri lo tene: “Ye so ala yeke hinga atene, Nzapa so ayeke na fini ayeke na popo ti ala ayeke so: lo yeke tumba biani biani na dawa ti ala azo ti Kanaan, azo ti mara ti Het, ti Hivi, ti Perizi, ti Girgashi, ti Amori na azo ti mara ti Yebus.

Tongo nda ti aye 41:16

Joseph akiri tënë na Faraon, atene: “Ayeke mbi pepe. Me Nzapa laa ayeke kiri ande tënë na gbia Faraon titene lo duti na siriri.”

Abia (Psaumes) 115:15

Ayeke nzoni KOTA GBIA so asara yayu na sese, asara tufa na ndö ti ala!

Jérémie 51:15

KOTA GBIA asara sese na lege ti ngangu ti lo, lo sara si dunia abaa gigi na lege ti ndara ti lo, lo gbara le ti nduzu na lege ti hingango ye ti lo.

Aye so Nzapa afa 4:11

“Kota Gbia, Nzapa ti e, mo lingbi titene azo agonda mo, azo ane mo si asepela mo ndali ti ngangu ti mo. Biani, mo laa mo sara aye kue, mo yeda titene aye ni abaa gigi si ala baa gigi.”