Awatokua 13:33 - Mbeti ti Nzapa - Tënë so amu fini

³³ Nzapa asara ye ni biani na e, *ahale ti ala, na ndembe so lo zingo Jésus na kuâ. Lo sara ye ni alingbi na tënë so a su na ya ti mbeti ti Abia, na ya ti use bia ni, atene: ‘Mo yeke Molenge ti mbi, laso mbi ga Babâ ti mo awe.’

Awatokua 13:33 Referans Kwoze

Abia (Psaumes) 2:7

“Mbi ye ti fa peko ti mbela ti KOTA GBIA: lo tene na mbi, lo tene: ‘Mo yeke molenge ti mbi; laso mbi ga babâ ti mo awe.

Ahebro 5:5

Ti Christ ayeke nga tongaso: lo mu tere ti lo wani ti si na kota ndo pepe ti ga kota wayango-sandaga; me Nzapa laa amu lo ti ga kota wayango-sandaga, Nzapa so atene na lo: “Mo yeke Molenge ti mbi, laso mbi ga Babâ ti mo awe.”

Jean 2:22

Na ndembe so Jésus azingo na kuâ awe, adisiple ti lo adabe ti ala na atënë so lo tene na ala si ala ma na be na Mbeti ti Nzapa nga na atënë so Jésus atene.

Awatokua 2:24

Me Nzapa azingo lo na kuâ awe, lo zi lo na ya ti pasi ti kuâ, ngbanga ti so kuâ ayeke na ngangu pepe ti gbanzi lo.

Awatokua 2:32

“Jésus so mbi yeke tene tënë ti lo so, Nzapa azingo lo na kuâ, e kue, e baa ye ni na le ti e.

Awatokua 9:20

Gi hio na pekoni, lo gue na ya ti ada ti sambelango Nzapa si lo to nda ti fa tënë atene, Jésus ayeke Molenge ti Nzapa.

Awatokua 13:30

Me Nzapa azingo lo na kuâ.

Awatokua 13:34

Nzapa azingo lo na kuâ si lo lingbi ti kiri ti fun pepe. Lo tene tënë ni lani, lo tene: ‘Fade mbi yeke mu na ala aye so mbi mu zendo ni na David: aye so ayeke taa ye, a zia ni nde si ayeke nzoni kue.’

Awatokua 13:37

Me lo so Nzapa azingo lo na kuâ, lo fun pepe.