Awatokua 12:19 - Mbeti ti Nzapa - Tënë so amu fini

¹⁹ Herode amu yanga titene ala gi lo, me ala wara lo pepe. Tongaso Herode ahunda aturugu ni na nda ti tënë ni si lo mu yanga titene a fâ ala. Na pekoni, Herode alondo na Judée si lo gue, lo duti kete na gbata ti Sezare.

Awatokua 12:19 Referans Kwoze

Awatokua 16:27

Wabatango da ti kanga ni azingo na lango. So lo baa ayanga ti da ti kanga ni na zingo ni, lo baa lo tene, azo ti kanga ni kue akpe awe. Tongaso lo gboto yongoro zeme ti lo si lo ye ti fâ tere ti lo.

Awatokua 21:8

Na ndade ni, e kiri e hon, e tambula si e si na gbata ti Sezare. So e si kâ, e gue, e lango na da ti Philippe, zo ti fango Nzoni Tënë ti Christ. Lo yeke mbeni oko na popo ti azo mbarambara so a soro ala lani na Jérusalem.

Awatokua 12:6

Kozo titene ndo ahan si Herode afâ ngbanga ti Pierre na le ti azo kue, na bi ni, Pierre ayeke lango na popo ti aturugu use. A kanga lo na zingiri use si a zia aturugu ti bata yanga ti da ni.

Awatokua 12:4

So a gbu Pierre awe si a bi lo na da ti kanga awe, aturugu baleoko na omene akangbi ya ti ala osio osio ti bata lo. Herode aleke na be ti lo ti ga na lo na le ti azo kue ti fâ ngbanga ti lo na peko ti *matanga ti Pake.

Awatokua 8:40

Ti Philippe, lo si na gbata ti Azot. So lo yeke tambula na lege, lo yeke fa Nzoni Tënë na ya ti agbata so kue lo yeke hon daa. Lo gue ngbii lo si na gbata ti Sezare.

Matthieu 2:13

Na peko ti so azo ti gingo nda ti atongoro ni amu lege ague awe, mbeni *ange ti *Kota Gbia asi na Joseph na ya ti bango-li. Lo tene na Joseph: “Londo, mu molenge ni, lo na mama ti lo, ala kpe ague na Ezipte, aduti kâ! Tongana mbi mu yanga na mo ti kiri si mo kiri, ngbanga ti so Herode ayeke gi lege ti fâ molenge ni.”

Esther 6:12

Na pekoni, Mardochée akiri na ndo ti kua ti lo na yanga ti yangbo ni. Me Haman akiri na loro na ndo ti lo; kamene ahon ndö ti lo si lo kanga le ti lo na bongo.

1 Agbia 20:43

Gbia ti Israel akiri na ndo ti lo na Samarii, na sukungo ngbangba nga na ngonzo.

1 Samuel 23:14

David angba na benyama ti Zif. Lo lango na ya ti du ti têne, na ndö ti ahoto, na ya ti benyama. Saul angba lakue ti gi lo, me Nzapa azia lo na maboko ti Saul pepe.

Awatokua 27:42

Aturugu aye ti fâ azo ti kanga ni kue si mbeni oko afâ ngu akpe pepe.

Awatokua 25:13

Ambeni lango na pekoni, gbia Agripa na Berenise, ita ti lo ti wali asi na Sezare ti bara Festus.

Matthieu 2:16

So Herode ahinga atene, azo ti gingo nda ti atongoro ahanda lo awe, ngonzo agbu lo ngangu mingi. Lo mu yanga titene a fâ akete molenge-koli kue ti gbata ti Betlehem na ti akodro so ayeke nduru na tere ni. A fâ amolenge so ngu ti ala ayeke use na ala so ade awara ngu use pepe. Herode asara ye ni alingbi na tënë so azo ti gingo nda ti atongoro atene na lo na ndö ti lango ti sigingo ti tongoro ni.

Jérémie 36:26

Lo mu yanga na Yerameel, molenge ti gbia, na Seraya, molenge ti Azriel nga na Shelemia, molenge ti Abdeel ti gbu wakuasu Baruk, lo na wayanga-Nzapa Jérémie; me Nzapa ahonde ala awe.

Matthieu 2:1

A du Jésus na Betlehem, mbeni gbata ti sese ti Judée, na ngoi ti gbia Herode. Na pekoni, azo ti gingo nda ti atongoro alondo na mbage ti To, ala si na Jérusalem.

Awatokua 12:18

So ndo ahan awe, aturugu atomboka kirikiri, ala yeke hunda tere ti ala, atene: “Nyen laa asi na Pierre, nyen?”