Awatokua 10:9 - Mbeti ti Nzapa - Tënë so amu fini

⁹ Lango oko na pekoni, ala yeke na lege ti gue si ala ga nduru ti si na Zope. Nduru na bekombite, Pierre ague na li ti da ti sambela.

Awatokua 10:9 Referans Kwoze

Sofonii 1:5

Fade mbi yeke hunzi azo so ayeke gue na li ti ada ti voro lâ, nze nga na atongoro, mbi yeke hunzi azo so ayeke voro mbi *KOTA GBIA si ala yeke deba na iri ti mbi, me na pekoni, ala yeke deba nga na iri ti yanda ti ala Milkom.

Abia (Psaumes) 55:17

Ti mbi, mbi dekongo na Nzapa, fade KOTA GBIA ayeke soo mbi.

Awatokua 6:4

Ti e, fade e yeke mu tere ti e kue ti sambela, ti sara kua ti fango tënë ti Nzapa.”

Marc 6:46

So lo zia lege na ala si ala gue awe, lo gue na li ti mbeni hoto ti sambela.

Marc 1:35

Na ndaperere, so ndo angba kâ, Jésus azingo, lo sigigi na ya ti gbata ni si lo gue ti sambela na mbeni ndo so zo ayeke daa pepe.

Matthieu 27:45

Ti londo na bekombite ngbii asi na ngbonga ota, ndo avuko na ya ti kodro ni kue.

Matthieu 24:17

zo so ayeke duti na li ti da ti lo, alingbi lo zu na sese pepe ti mu ye so ayeke na ya ti da ni;

Matthieu 20:5

Ala mu lege ague na yaka ni. Wa ti yaka ni akiri asigigi na bekombite, lo kiri lo sigigi nga na ngbonga ota ti peko ti bekombite si lo sara gi tongaso.

Matthieu 6:6

Ti mo, tongana mo ye ti sambela, mo li na ya ti kubu ti mo, mo kanga yanga ti kubu ni si mo sambela Babâ ti mo so zo ayeke baa lo pepe. Fade Babâ ti mo so ayeke baa ye so mo yeke sara na hondengo ni ayeke mu na mo ye ti peko ni.

Daniel 6:10

Tongaso, gbia Darius asu maboko ti lo na gbe ti kota mbela ni.

Jérémie 32:29

Azo ti Babilone angba ti tiri bira ti mu gbata ni; fade ala yeke li na ya ni, ala yeke bi wâ daa; ala yeke gbi ada so azo ayeke zö dukani na li ni na *Baal titene ala gi na yanga ti mbi. Azo ni ayeke tuku samba ti mu na *sandaga na anzapa nde na ya ti ada ni.

Jérémie 19:13

Mbi yeke sara si ada ti azo ti Jérusalem na ada ti agbia ti Juda aga *sioni tongana ndo so ayeke na Tofet. Biani, na li ti ada so kue, azo azö dukani ndali ti gba ti atongoro, ala tuku samba ti mu na sandaga na anzapa nde.”

1 Samuel 9:25

Na pekoni, ala londo na ndö ti hoto si ala kiri na kodro. Samuel na Saul asara lisoro na li ti da, na ndo so a leke titene azo aduti daa.

1 Timothée 2:8

Mbi ye si akoli asambela na ndo kue, na yorongo maboko ti ala na nduzu, maboko so ayeke *nzoni, na ngonzo na be ti ala pepe, na tënë ti papa pepe.

Efeze 6:18

Na ya ti aye so kue, ala sambela Nzapa titene lo mu na ala maboko; ala sambela na ngoi kue na lege ti Yingo. Ndani laa, le ti ala akpengba, ala sambela ndali ti azo ti Nzapa kue, ala ngba daa lakue.

2 Samuel 11:2

Mbeni lâ, na lakui, David alondo na ndö ti gbogbo ti lo, lo yeke fono na mbeni ndo so a leke na li ti da ti lo si azo ayeke duti daa. Kâ, lo baa mbeni wali so ayeke sukula ngu; wali ni apendere mingi.

Awatokua 10:3

Mbeni lâ, na ngbonga ota ti peko ti bekombite, mbeni *ange ti Nzapa asi na lo na ya ti mbeni ye tongana bango-li si lo baa ni mbirimbiri. Ange ni airi lo, atene: “Corneille!”