Awatokua 10:48 - Mbeti ti Nzapa - Tënë so amu fini

⁴⁸ Tongaso lo mu yanga na ala ti wara bateme na iri ti Jésus Christ. Na pekoni, ala hunda na lo titene lo ngba, lo na ala alango kete si.

Awatokua 10:48 Referans Kwoze

Awatokua 2:38

Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru.

Awatokua 8:16

Andaa Yingo-Vuru ade ti zu pepe na ndö ti mbeni oko na popo ti ala; lani ala wara gi bateme na iri ti *Kota Gbia Jésus.

Galasii 3:27

Ala kue awara bateme awe, ala ga oko na Christ. Tongaso, lege ti dutingo ti ala aga tongana ti Christ awe.

Awatokua 19:5

Na peko ti tënë so ala ma, azo ni awara bateme na iri ti *Kota Gbia Jésus.

Awatokua 8:12

Me na peko ti so ala ma na be na Nzoni Tënë ti *Kodro-gbia ti Nzapa so Philippe afa na ala na iri ti Jésus Christ, akoli na awali awara bateme.

Jean 4:2

Andaa Jésus wani laa ayeke batize azo pepe, me adisiple ti lo.

Jean 4:40

Tongaso azo ti Samarii asi na tere ti Jésus, ala voro lo titene lo ngba na popo ti ala. Jésus asara lango use na ndo so.

Awatokua 16:15

Na peko ti so lo na azo ti da ti lo awara bateme, lo iri e, lo tene: “Tongana ala baa so mbi ma na be na Kota Gbia biani, ala ga, alango na ya ti da ti mbi.” Lo voro e ngbii si e yeda.