Awatokua 10:33 - Mbeti ti Nzapa - Tënë so amu fini

³³ Nilaa mbi tokua azo hio ti iri mo si mo sara nzoni be, mo ga so. Fadeso, e kue, e yeke ge na dawa ti Nzapa, e yeke ku ti ma tënë so Kota Gbia amu yanga na mo ti tene na e.”

Awatokua 10:33 Referans Kwoze

Jacques 1:19

A-ita ti mbi so mbi ye ala mingi, ala dabe ti ala na tënë so: alingbi zo oko oko azi mê ti lo hio ti ma na tënë, me alingbi lo tene tënë hio hio pepe, lo sara ngonzo hio hio pepe.

Galasii 4:14

Ataa so songo tere ti mbi ni aga na ala pasi mingi, ala zere mbi pepe, ala ke nga mbi pepe. Me ala yamba mbi, mo baa mo tene, mbi yeke mbeni *ange ti Nzapa wala Jésus Christ.

Jacques 1:21

Ndani laa, ala zia lege ti sarango aye ti potopoto kue nga na lege ti sarango sioni ye kue. Ala yeda na nzoni be na tënë so Nzapa alu na ya ti be ti ala, tënë ni alingbi ti soo ala.

1 Korente 3:18

Ayeke nzoni mbeni zo ahanda tere ti lo wani pepe: tongana mbeni zo na popo ti ala abaa ti lo atene, ni yeke na ndara tongana ti azo ti dunia so, ayeke nzoni lo ga zo ti gbogbolinda, tongaso si lo ga taa zo ti ndara.

Awatokua 28:28

Paul akiri atene: “Ayeke nzoni ala hinga atene, Nzapa atokua tënë ti songo zo na kuâ na azo ti amara nde. Ti azo ni so, fade ala yeke ma tënë ni!” [

Marc 10:15

Mbi tene na ala taa-tënë: zo so ayamba Kodro-gbia ti Nzapa tongana molenge pepe, lo yeke li ande na ya ni oko pepe.”

Matthieu 18:4

Kota zo ti Kodro-gbia ti yayu ayeke zo so asara tere ti lo kete si lo ga tongana molenge so.

Amato 25:12

Wango so zo ti ndara amu na azo so azia mê ti ala kpoo ti ma tënë ayeke tongana bage ti lôro nga na ye ti go ti lôro ti nzoni ni.

Amato 1:5

Zo ti ndara so ayeke ma amato so, fade hingango ye ti lo ayeke kono ahon ti kozoni; zo so ahinga ndo, fade lo yeke manda anzoni kode so ayeke fa na lo nzoni lege.

2 Mbai 30:12

Na sese ti Juda nga, Nzapa asara si be ti azo ni aga oko, ala yeda ti ma yanga so gbia na amakonzi ti lo amu, alingbi na tënë ti KOTA GBIA.

1 Tesalonike 2:13

Ndani laa, e nga, e yeke mu singila na Nzapa lakue ndali ti ye so: na ndembe so e fa lani na ala tënë ti Nzapa, ala ma ni si ala yamba ni tongana tënë ti zo pepe, me tongana tënë ti Nzapa biani: tënë ni ayeke tënë ti Nzapa so ayeke sara kua na be ti ala so ama na be.

Matthieu 19:30

Mingi ti azo ti li ni ayeke ga ande azo ti ndani; mingi ti azo ti ndani ayeke ga azo ti li ni.”

Amato 18:15

Zo ti gbungo-li ayeke gi lege ti hinga ye; zo ti ndara ayeke gi lege ti ma atënë so ayeke fa ye na lo.

Awatokua 10:32

Tokua mbeni zo na Zope ti iri Simon, so mbeni iri ti lo ayeke Pierre. Lo yeke gene na da ti Simon so ayeke sara kua ti aporo ti nyama. Da ti lo ayeke na yanga ti kota ngu-ingo.’

Awatokua 10:34

Tongaso Pierre amu tënë si lo tene: “Taa-tënë, mbi hinga fadeso mbi tene, Nzapa ayeke gonda zo ndali ti le ti zo ni pepe.

Ndia ti fani use ni 30:13

Atënë ti ndia ni ayeke na mbage ti kota ngu-ingo kâ pepe si fade mbeni zo atene: “Zo wa laa ayeke fâ ande kota ngu-ingo ti gue ti ga na ni na e? Zo wa laa ayeke sara si e ma tënë ni si fade e sara ye alingbi na ni?”