Awatokua 10:20 - Mbeti ti Nzapa - Tënë so amu fini

²⁰ Londo hio, mo zu, mo gi be ti mo pepe! Mo na ala ague, ngbanga ti so mbi laa mbi tokua ala.”

Awatokua 10:20 Referans Kwoze

Awatokua 13:4

Tongaso Yingo-Vuru atokua Barnabas na Saul si ala gue na Selesii. Kâ, ala mu mangboko ti gue na zoa ti Shipre.

Awatokua 9:17

Tongaso Ananias ague, lo li na ya ti da so Saul ayeke daa; lo zia maboko na ndö ti Saul, lo tene: “Ita ti mbi Saul, Kota Gbia laa atokua mbi. Jésus so asi na mo na lege na gango ti mo, lo tokua mbi titene mo kiri mo baa ndo si mo si singo na Yingo-Vuru.”

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

Awatokua 8:26

*Ange ti *Kota Gbia atene na Philippe: “Londo, mo gue na mbage ti Mbongo, na lege so alondo na Jérusalem azu ti gue na Gaza. Azo akiri ahon na lege ni so pepe.”

Marc 16:15

Na pekoni, lo tene na ala: “Ala gue na ndö ti dunia kue, ala fa Nzoni Tënë na azo kue.

Ésaïe 48:16

Ala ga nduru na mbi, ala ma tënë so: Ngbene ye na tongo nda ni, mbi tene tënë na hondengo ni pepe. Na ngoi so aye ni so asi, mbi yeke daa. Fadeso, Kota Gbia NZAPA atokua mbi, lo mu na mbi yingo ti lo.

Awatokua 10:21

Tongaso Pierre azu si lo tene na ala: “Mbi laa ala yeke gi mbi so. Mbeni tënë ayeke daa?”

Awatokua 11:12

Yingo atene na mbi: ‘Mbi gi be ti mbi pepe, me mbi na ala e gue.’ A-ita ti Zope omene so ala yeke baa ala ge so, mbi na ala laa e gue si e li na da ti Corneille.

Jacques 1:6

Me alingbi zo ni ahunda ye ni na mabe, lo dekite pepe, ngbanga ti so zo so adekite akpa gi *mapo ti kota ngu-ingo so pupu ayeke mu ni na nduzu si ayeke yingi ni kirikiri.