Amos 9:6 - Mbeti ti Nzapa - Tënë so amu fini

⁶ Lo so lo leke ndo ti dutingo ti lo na yayu kâ, lo gbara le ti nduzu na ndö ti sese; lo so lo iri angu ti kota ngu-ingo ti ga si lo tuku ni na ndö ti sese, iri ti lo ayeke *KOTA GBIA.

Amos 9:6 Referans Kwoze

Amos 5:8

Lo so lo sara bongbi ti atongoro, Pleyade na Orion, lo sara si ndo so avuko pitipiti aga lumiere ti ndaperere; lo sara si kota lâ avuko si aga bi. Lo iri ngu ti kota ngu-ingo ti ga si lo tuku ni na ndö ti sese: iri ti lo ayeke KOTA GBIA.

Amos 4:13

Biani, lo laa lo sara akota hoto, lo sara pupu, lo yeke fa na zo aye so lo leke na be ti lo ti sara. Lo yeke sara si lumiere ti ndaperere aga vukongo ndo, lo yeke tambula na ndö ti akota hoto ti sese so: iri ti lo ayeke KOTA GBIA, Nzapa so ayeke na ndö ti dunia kue.

Abia (Psaumes) 104:3

mo zia ada ti mo na ndö ti ayayu ni. Mo sara si ambinda aga pusu ti mbarata ti mo; mo yeke tambula na ndö ti pupu.

Abia (Psaumes) 104:13

Na ndo ti duti ti mo kâ na nduzu, mo tokua ngu na ndö ti ahoto; mo sara si sese asi singo na anzoni ye ti mo.

Jérémie 5:22

Ala kpe mbeto ti mbi pepe? So tënë ti yanga ti KOTA GBIA laa. Tere ti ala ado na dawa ti mbi pepe? Mbi laa mbi zia mbutu ti sara si kota ngu-ingo angba na ndo so ayeke daa. So ayeke katikati so angba kpu na kpu; kota ngu-ingo ni ayeke hon ni pepe. Ataa *amapo ti ngu ni alondo tongana nyen, ngu ni alingbi ti hon ndö ni pepe.

Tongo nda ti aye 2:1

Tongaso laa Nzapa ahunzi ti sara yayu, na sese na aye ti ala so kue ayeke mingi mingi.