Amos 9:13 - Mbeti ti Nzapa - Tënë so amu fini

¹³ So tënë ti yanga ti KOTA GBIA laa: “Alango ayeke ga so zo so angba ti fâ yaka, mo ye ti baa, zo ti fango ale ti kobe asi awe, zo so angba ti lu ale ti *ble, mo ye ti baa, zo ti fango ale ti vinye asi awe. Na lango ni so, fade fini vin ayeke londo na ndö ti akota hoto ti sua na sese, fini vin ni ayeke sua amu ndö ti akete hoto kue.

Amos 9:13 Referans Kwoze

Jean 4:35

Ala yeke tene: ‘Angba nze osio titene ngoi ti fango ale ti kobe ti yaka asi.’ Me mbi tene na ala: ala yo le ti ala na nduzu, ala baa ndo: ale ti kobe ni abe, alingbi titene a fâ ni awe!

Ésaïe 55:13

Keke ti sipre ayeke sigigi na plase ti keke ti ki, mirte ayeke sigigi na plase ti ki. Ye so ayeke si titene azo agonda KOTA GBIA. Ye so ayeke buba laoko pepe, ayeke ngba lakue lakue ti dabe ti ala na ye so mbi sara.

Awayango-sandaga 26:5

Na ndo ti ala, fade ala yeke ngba ti pika ale ti kobe ngbii asi na ngoi ti fango ale ti *vinye; ala yeke ngba ti fâ ale ti vinye ngbii asi na ngoi ti lungo ale ti kobe. Ala yeke te kobe, ya ti ala asi si mbeni ye ti sioni ti sara ala ayeke daa pepe.

Ezekiel 36:35

Fade azo ayeke tene: ‘Sese so lani abuba so, akiri aga tongana yaka ti Eden. Agbata so lani aga ndo ti gba ti atêne, abuba, a kungbi ni na sese, a kiri asara ngangu gbagba na tere ni si azo alango daa.’

Abia (Psaumes) 97:5

Tongana ti so puru ti wotoro ayeke ga ngu na le ti wâ, ahoto aga ngu na le ti KOTA GBIA, na le ti Kota Gbia so ayeke na ndö ti sese kue.

Awafango-ngbanga 5:5

Ahoto ayingi na dawa ti mo, KOTA GBIA ti Sinai. Ala yingi na dawa ti mo, Nzapa ti Israel.

Amos 9:5

Kota Gbia NZAPA so ayeke na ndö ti dunia kue, tongana lo ndu sese na maboko ti lo, sese ni ayeke yingi si azo ti kodro ni kue ayeke duti na vundu. Sese ni kue ayeke londo na nduzu, na pekoni, ayeke kiri na gbeni tongana kota ngu ti Ezipte so asuku si akiri na gbeni.

Tongo nda ti aye 49:11

Lo yeke kanga lele ti lo na tere ti keke ti *vinye, lo yeke kanga molenge ti lele ti lo na tere ti pendere keke ti vinye. Lo yeke sukula bongo ti lo na ya ti vin, lo yeke sukula yongoro bongo ti lo na ngu ti ale ti vinye.

Ésaïe 16:10

Ngia na nzerengo tere ahunzi awe na ya ti ayaka so akeke so a yeke te le ni tengo ayeke daa. Na ya ti ayaka ti vinye, zo ayeke kiri ti ma bia ti ngia pepe, zo ayeke kiri ti ma dekongo na ngia pepe. Zo ayeke kiri ti pete vin pepe na ya ti du so a yeke pete ale ti vinye daa, dekongo na ngia akai awe.

Ezekiel 28:26

Kâ, ala yeke duti na siriri, ala yeke sara ada, ala yeke fâ ayaka ti *vinye; ala yeke duti na siriri na ndembe so mbi yeke fâ ngbanga na li ti azo so ayeke baa azo ti Israel ni tongana mbumbuse ye. Fade ala yeke hinga atene, mbi laa mbi yeke KOTA GBIA, Nzapa ti ala.”

Joël 2:24

Fade ya ti agogoro ayeke si singo na ble, akota tawa ayeke si singo na fini vin nga na nzoni mafuta.