Amos 4:6 - Mbeti ti Nzapa - Tënë so amu fini

⁶ “Mbi *KOTA GBIA, mbi sara si nzara amu ya ti agbata ti ala kue; mbi sara si kobe atia na ya ti ada ti ala kue. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Amos 4:6 Referans Kwoze

Aggée 2:17

Mbi pika ala si akua ti maboko ti ala kue abuba; mbi sara si akobe ti yaka ti ala ahole si afun, *pembe ti bekpa ati na ndö ti akobe ni si abuba ni. Me ala kiri na mbage ti mbi pepe; so tënë ti yanga ti KOTA GBIA laa.

Jérémie 5:3

KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Ésaïe 9:13

Tongaso, gi na ya ti lango oko, KOTA GBIA azi na Israel li na damba, maboko ti mburu na pere ti sosongo.

Aye so Nzapa afa 2:21

Mbi zia na lo ngoi titene lo zia ngbene lege ti sarango ye ti lo, me lo ye ti zia lege ti sarango ye ti ndumba ti lo ni pepe.

Osée 5:15

“Fade mbi *KOTA GBIA, mbi yeke gue, mbi yeke kiri na ndo ti mbi ngbii asi na ngoi so ala hinga sioni ti ala, ala gi le ti mbi si. Na ndembe so ye ti ngangu ayeke si na ala, fade ala yeke gi mbi.”

Awayango-sandaga 26:26

Mbi yeke gbanzi na ala kobe; awali baleoko alingbi ti to kobe ti ala na ya ti duke oko; awali ni ayeke mu kobe ni gi kete kete ti ga na ni na ala, ala yeke te ni, me ya ti ala ayeke si pepe.

Ezekiel 16:27

Tongaso mbi yoro maboko ti mbi ti pika mo: mbi gbanzi mo na kobe, mbi zia mo na maboko ti awato ti mo, agbata ti Filistii so kamene asara ala ndali ti sioni sarango ye ti mo.

Ésaïe 26:11

KOTA GBIA, mo yo maboko ti mo na nduzu ti pika ala, me ala baa ni pepe. Fade ala yeke baa so mo yeke na nzara mingi ti sara na azo ti mo, tongaso kamene ayeke gbu le ti ala. Wâ so a leke ndali ti awato ti mo ayeke gbi azo ni.

Ésaïe 3:1

Biani, Kota Gbia NZAPA so ayeke na ndö ti dunia kue ayeke zi na ya ti gbata ti Jérusalem nga na ya ti kodro ti Juda aye so kue ayeke mu ngangu na azo: lo yeke zi kobe na ngu,

2 Mbai 28:22

Na ngoi so gbia Ahaz ayeke na ya ti kpale so, lo ngba ngbango ti sara sioni mingi so ake KOTA GBIA.

2 Agbia 8:1

Wali so lani Élisée azingo molenge ti lo na kuâ so, Élisée atene lani na lo: “Londo, mo na asewa ti mo, ala gue, aduti na ndo so ala lingbi ti duti daa. Biani, *KOTA GBIA aleke na be ti lo ti tokua kota nzara na ya ti kodro ni; kota nzara ni ayeke ninga ande ngu mbarambara.”

2 Agbia 4:38

Élisée akiri na Gilgal. Andaa na ngoi ni so, kota nzara ati na ya ti kodro ni. So azo ti bongbi ti awayanga-Nzapa ayeke luti na dawa ti Élisée, lo tene na zo ti kua ti lo: “Mu kota tawa, mo to kobe ndali ti azo ti bongbi ti awayanga-Nzapa.”

1 Agbia 18:2

Élie ague titene lo fa tere ti lo na Akab. Na ngoi ni so, nzara ahon ndoni na gbata ti Samarii.

1 Agbia 17:1

Élie, zo ti kete kodro ti Tishebe, na sese ti Galaad atene na gbia Akab, atene: “*KOTA GBIA, Nzapa ti Israel ayeke na fini! Lo so mbi yeke sara na lo, mbi tene na mo: ‘Na ya ti angu so ayeke ga, ngu-Nzapa ayeke pika oko pepe, ataa ngu ti pere ayeke duti daa pepe, gi tongana mbi mu yanga si!’ ”

Ndia ti fani use ni 28:38

Fade ala fâ yaka si ala lu ale ti kobe daa mingi, me ala yeke wara ale ti kobe ni gi kete, ngbanga ti so agbadola ate ni kue awe.

Jérémie 14:18

Tongana mbi gue na yaka, mbi yeke baa gi azo so akui na lege ti bira. Tongana mbi kiri na ya ti gbata, mbi yeke baa gi azo so akui na lege ti nzara. Awayanga-Nzapa na awayango-sandaga atambula na ya ti kodro ni kue, me ala gi li ti ala daa gbaa.”

Ezekiel 14:21

Biani, tënë so Kota Gbia NZAPA atene ayeke so: “Mbi tokua asioni kpale ti mbi osio na ndö ti Jérusalem: bira, kota nzara, asioni nyama na sioni kobela ti bubango kodro. Mbi tokua ni ti fâ azo na anyama kue ti hunzi ala.

Joël 1:16

Kobe ti tengo ni ahon gi na le ti e pepe? Ngia na nzerengo tere ahunzi na ya ti kota da ti KOTA GBIA gi na le ti e pepe?

Awayango-sandaga 26:23

“Tongana ala yeda na apika ti mbi ni pepe si ala ngba ti sara ngangu li na mbi,

Ruth 1:1

Ando, na ngoi so awafango-ngbanga ayeke na li ti kodro ti Israel, mbeni kota nzara ati na ya ti kodro ni. Tongaso, mbeni koli ti kodro ti Betlehem, na sese ti Juda, lo na wali ti lo, na amolenge ti lo ti koli use, alondo na kodro ti ala ti gue ti duti ndali ti mbeni ngoi na ndo so azo ayeke fâ yaka daa, na sese ti Moab.

Ésaïe 9:12

KOTA GBIA apika azo ti lo, me ala kiri na mbage ti lo pepe; KOTA GBIA so ayeke na ndö ti dunia kue, ala gi lo pepe.

Osée 11:5

“Fade azo ti Israel ayeke kiri na sese ti Ezipte pepe, me azo ti Asirii laa ayeke ga gbia ti ala, ngbanga ti so azo ti Israel ake ti kiri na mbage ti mbi.