Amos 3:8 - Mbeti ti Nzapa - Tënë so amu fini

⁸ Bamara ayeke toto, zo wa laa alingbi ti sara mbeto pepe, zo wa? Kota Gbia NZAPA ayeke tene tënë, zo wa laa alingbi ti ke ti tene peko ti tënë ti yanga ti lo, zo wa?

Amos 3:8 Referans Kwoze

Awatokua 4:20

Ti e, ye so e baa si e ma awe so, e lingbi ti kanga yanga ti e na ndö ni pepe.”

Amos 3:4

Tongana bamara ade ti wara nyama ti te pepe, lo lingbi ti toto na ya ti gbako? Tongana kete bamara ade ti gbu nyama pepe, lo lingbi ti toto na ndo so lo lango daa?

Jérémie 20:9

Tongana mbi tene: “Awe! Mbi yeke kiri ti di iri ti lo na yanga ti mbi pepe, mbi yeke kiri ti fa tënë na iri ti lo pepe”; na ya ti be ti mbi kâ, tënë ni ayeke gbi tongana wâ. Mbi yeke sara ngangu ti mingo ni, me mbi ha gbaa.

Amos 1:2

Amos atene: “Ti londo na hoto ti *Sion, KOTA GBIA ayeke toto tongana bamara; ti londo na Jérusalem, lo dekongo ngangu. Apere ti awabatango-nyama ahole kue awe, ndö ti hoto ti Karmel ahole kasakasa.”

Aye so Nzapa afa 5:5

Me mbeni *kangba ni oko atene na mbi: “Toto pepe! Baa, bamara ti mara ti Juda so ayeke *hale ti David, lo so benda awe; lo lingbi ti zi anzoroko mbarambara ni nga ti zi ya ti mbeti ni.”

1 Korente 9:16

Ndali ti fango Nzoni Tënë so mbi yeke fa, mbi lingbi ti pika kate ti mbi pepe. Fango Nzoni Tënë ayeke ye so Nzapa amu na mbi yanga ti sara. Mawa na mbi tongana mbi fa Nzoni Tënë ni pepe!

Amos 2:12

Me azo so adeba yanga ti ala ti nyon vin pepe, ngbanga ti so ala mu tere ti ala kue na mbi, ala azo ti Israel, ala mu vin na azo ni ti nyon. Ala kanga lege na awayanga-Nzapa ti tene peko ti atënë ti yanga ti mbi.

Awatokua 5:29

Pierre na awatokua akiri tënë: “Alingbi e ma yanga ti Nzapa ahon ti azo.

Awatokua 5:20

“Ala gue, aluti na ya ti kota da ti Nzapa si ala fa na azo atënë so kue ayeke mu fini na zo.”

Ésaïe 31:4

Tënë so *KOTA GBIA atene na mbi laa: “Tongana bamara wala kete bamara ayeke toto ti bata nyama so lo gbu ti te, ataa azo airi gba ti awabatango-taba ti ga na tere ti lo, mbeto ti dekongo ti ala asara lo pepe, lo yeke zia nyama ni ndali ti wusuwusu ti ala pepe. Ye ni ayeke duti ande legeoko tongaso ndali ti mbi KOTA GBIA so mbi yeke na ndö ti dunia kue, mbi yeke zu na ndö ti hoto ti *Sion, ti tiri bira kâ.”

Ezekiel 29:21

“Na lango ni so, mbi yeke kiri ti mu ngangu na azo ti Israel. Ti mo Ezekiel, mbi yeke mu na mo ngangu ti sara tënë na ala. Tongaso, fade ala yeke hinga atene, mbi laa mbi yeke KOTA GBIA.”

Ésaïe 21:10

Ala azo ti mbi so a pika ala tongana *ble na ndö ti lakere so, tënë so mbi ma na yanga ti KOTA GBIA so ayeke na ndö ti dunia kue, Nzapa ti Israel, tënë ni laa mbi yeke fa na ala so.

Jérémie 26:12

Me Jérémie atene na agbenyogbia ni kue nga na gba ti azo ni, lo tene: “Atënë so kue ala ma so, KOTA GBIA laa atokua mbi ti tene peko ti tënë ti yanga ti lo na ndö ti da so nga na ndö ti gbata so.