Amato 8:17 - Mbeti ti Nzapa - Tënë so amu fini

¹⁷ Mbi, mbi ye azo so aye mbi. Azo so ayeke gi mbi, fade ala yeke wara mbi.

Amato 8:17 Referans Kwoze

Jean 14:23

Jésus akiri tënë na lo, atene: “Zo so aye mbi, fade lo yeke sara ye so mbi tene na lo. Babâ ti mbi ayeke ye lo si mbi na Babâ, e yeke ga ti duti na lo.

Jean 14:21

“Zo so ahinga andia ti mbi si lo sara ye alingbi na ni, lo laa lo ye mbi. Babâ ti mbi ayeke ye lo; mbi nga, mbi yeke ye lo si mbi yeke sara titene lo hinga mbi.”

Abia (Psaumes) 91:14

KOTA GBIA atene: “Ndali ti so lo mu tere ti lo kue na mbi, fade mbi yeke soo lo na kuâ, mbi yeke bata lo, ngbanga ti so lo hinga mbi.

Ésaïe 55:6

Ala gi *KOTA GBIA na ndembe so ala lingbi ti wara lo. Ala iri lo na ndembe so lo yeke nduru na ala.

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.

1 Jean 4:19

Ti e, e yeke na ndoye, ngbanga ti so Nzapa aye e kozoni.

Ésaïe 45:19

Mbi tene tënë na hondengo ni pepe, na mbeni ndo na sese so avuko vukongo. Mbi tene na *ahale ti Jacob pepe, mbi tene: Ala gi mbi na ndo so angba senge! Mbi KOTA GBIA, mbi yeke tene tënë ti ye so ayeke mbirimbiri, mbi yeke tene tënë ti ye so ayeke na legeni.”

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Jacques 1:5

Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.

Jean 16:27

ngbanga ti so Babâ wani aye ala. Lo ye ala, ngbanga ti so ala ye mbi si ala ma na be so mbi londo na Nzapa si mbi ga.

Marc 10:14

So Jésus abaa ye so, ngonzo agbu lo si lo tene na adisiple ni, lo tene: “Ala zia akete molenge aga na mbi! Ala kanga lege na ala pepe, ngbanga ti so *Kodro-gbia ti Nzapa ayeke ndali ti azo so ayeke tongana amolenge so.

Amato 1:28

Na lango ni so, fade ala yeke iri mbi titene mbi mu maboko na ala, me mbi yeke kiri tënë na ala pepe; ala yeke gi mbi, me ala yeke wara mbi pepe.

Zo ti bongbingo azo 12:1

Na ngoi so mo de maseka, ayeke nzoni mo dabe ti mo na lo so asara mo. Dabe ti mo na lo kozoni si alango ti pasi asi, so ti tene ngoi so fade mo yeke tene: “Dunia ni anzere na mbi oko pepe”.

Jean 7:37

Tanga ti lango ti matanga ni ayeke mbeni kota lango mingi. Jésus aluti na nduzu si lo tene tënë na kota go, lo tene: “Tongana nzara ti ngu asara mbeni zo, ayeke nzoni lo ga na mbi, lo nyon ngu.

2 Mbai 34:3

Na ya ti ngu miombe so Yosias ale-gbia, so lo de maseka, lo to nda ti gi Nzapa ti kotara ti lo David. Na ngu baleoko na use ni, lo to nda ti sara si Juda na Jérusalem aga *nzoni: lo zi ando so azo aleke na ndö ti ahoto ti voro anzapa nde daa, akeke so a leke si aluti na nduzu ndali ti nzapa-wali *Ashera nga na ayanda so a leke na keke na ayanda so a kporo wen si a leke na ni.

Amato 2:4

Gi ndara tongana ti so zo ayeke gi nginza; gi ni ngangu tongana ti so zo ayeke gi mbeni mosoro so ahonde.

Amato 2:5

Tongana mo sara tongaso, fade mo yeke hinga nda ti kpengo mbeto ti KOTA GBIA, mo yeke wara lege ti hinga Nzapa.

Amato 4:6

Mo zia ndara pepe, fade lo yeke bata mo. Mo ye ndara, fade lo yeke bata mo si sioni ye asi na mo pepe.

Amato 8:16

Mbi laa mbi yeke mu lege na amakonzi, na akota zo nga na azo so kue ayeke fâ ngbanga mbirimbiri ti sara komandema.

B. ti abia 3:4

Mbi hon gi kete si mbi wara lo so be ti mbi aye lo so. Mbi gbu lo, maboko ti mbi angba na tere ti lo, mbi gue na lo ngbii na ya ti da ti mama ti mbi, na ya ti kubu so mama ti mbi amu ngo ti mbi daa.

Jean 5:4

ngbanga ti so na ambeni ngoi, mbeni *ange ti *Kota Gbia ayeke zu na ya ti ngu ni ti yingi ni. Zo ti kobela so ayeke zu kozo na ya ti ngu ni na peko ti so ngu ni ayingi, ataa kobela ti lo ni ayeke nyen, kobela ni ayeke kai.]