Amato 7:7 - Mbeti ti Nzapa - Tënë so amu fini

⁷ Mbi baa ambeni zo so le ti ala ahan pepe; mbi baa na popo ti ala mbeni maseka-koli so li ti lo ayeke daa pepe.

Amato 7:7 Referans Kwoze

Amato 6:32

Ti zo so alango na wali ti zo, li ti lo ayeke daa pepe. Zo so asara tongaso abuba fini ti lo wani.

Amato 1:22

“Ala azo so le ti ala ahan pepe so, ala ye ti ngba tongaso ngbii asi lawa? Ala azo ti hengo ndo, ala yeke ngba ti he ndo ngbii asi lawa? Ala azo so ahinga ndo pepe so, ala yeke ke ti hinga ye ngbii asi lawa?

Matthieu 15:16

Jésus ahunda ala, atene: “Ala nga, ala de ti hinga ndo pepe?

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

Amato 10:13

Atënë ti ndara asigigi na yanga ti zo so ahinga ye; me ti zo so li ti lo ayeke daa pepe, lo lingbi gi na pika.

Amato 9:16

“Azo so le ti ala ahan pepe so, ala ga na mbage ge!” Lo tene na azo so ahinga ndo pepe so, lo tene:

Amato 9:4

“Ala azo so le ti ala ahan pepe so, ala ga na mbage ge!” Lo tene na azo so ahinga ndo pepe so, lo tene:

Amato 8:5

Ala azo so le ti ala ahan pepe so, ala gi lege ti hinga ye. Ala so ahinga ndo pepe so, ala manda lege ti duti na hingango ndo.

Amato 1:32

Ngangu li ti azo so li ti ala ayeke daa pepe laa ayeke fâ ala; kangango le na ndö ti akpale laa ayeke fâ azo so ahinga ndo pepe.

Amato 1:4

Amato ni ayeke sara titene zo so le ti lo ahan pepe, le ti lo ahan; ala yeke sara nga titene amaseka ahinga ndo si ala wara nzoni gbungo-li.

Abia (Psaumes) 119:130

Gingo nda ti atënë ti mo ayeke zi le ti zo, ayeke sara si senge zo ahinga nda ti aye.

Amato 27:12

Zo ti hango le, tongana lo baa sioni ye ayeke ga, lo yeke honde tere ti lo. Ti azo so le ti ala ahan pepe, ala yeke hon ti ala hongo; tongaso, ala yeke wara ye ti pekoni.

Amato 24:30

Mbeni lâ, mbi hon na tere ti yaka ti mbeni zo ti sopo; mbi hon na tere ti yaka ti *vinye ti mbeni zo so li ti lo ayeke daa pepe.

Amato 22:3

Zo ti hango le, tongana lo baa sioni ye ayeke ga, lo yeke honde tere ti lo. Ti azo so le ti ala ahan pepe, ala yeke hon ti ala hongo; tongaso, ala yeke wara ye ti pekoni.

Amato 19:25

Mo pika zo ti hengo ndo, tongaso si zo so li ti lo ayeke daa pepe so, le ti lo ahan. Mo suku na zo ti hingango ndo, fade lo yeke hinga ye ahon ti kozo.

Amato 19:2

Tongana zo agbu li ti lo pepe, so ayeke nzoni pepe. Zo so ayeke sara ye na loro na loro, gbaa lo yeke sara ye ti kirikiri.

Amato 14:18

Azo so le ti ala ahan pepe, fade buba ayeke ga ye ti ala; me ye so azo ti hango le ayeke wara ayeke hingango ye.

Amato 14:15

Zo so le ti lo ahan pepe, lo yeda na atënë so kue a tene na lo; me zo ti hango le agbu li ti lo kozo si lo gue na mbeni ndo.

Amato 12:11

Zo so ayeke fâ yaka, fade lo yeke na gba ti kobe; me zo so ayeke tumba peko ti asenge senge ye, li ti lo ayeke daa pepe.

Abia (Psaumes) 19:7

Lo londo na mbeni mbage ti le ti nduzu, lo gue ngbii lo si na mbeni mbage ti le ti nduzu ni; ye kue ayeke na gbe ti ngangu ti sungo ti lo.

Mbeti ti Job 24:15

Koli ti gingo wali ti zo ayeke ku lakui, lo tene na be ti lo, lo tene: “Zo oko ayeke baa mbi pepe”, lo yeke bi bongo na li ti lo titene azo ahinga lo pepe.

Amato 5:1

Molenge ti mbi, mo ma atënë ti ndara ti mbi; dingi mê ti mo na atënë ti hingango ndo ti mbi.

Amato 6:20

Molenge ti mbi, mo bata andia ti babâ ti mo; aye so mama ti mo ayeke fa na mo, mo bi na peko ti mê ti mo pepe.