Amato 7:3 - Mbeti ti Nzapa - Tënë so amu fini

³ Kanga atënë so na ali ti maboko ti mo, su ni na be ti mo tongana mbeti.

Amato 7:3 Referans Kwoze

Amato 3:3

Ayeke nzoni mo zia ti sara nzoni be pepe, mo zia ti bata tënë ti yanga ti mo pepe; mo kanga ni na go ti mo tongana ye ti go, mo su ni na be ti mo tongana mbeti.

Jérémie 31:33

So tënë ti yanga ti KOTA GBIA laa: Na peko ti alango ni so, mbuki so mbi na azo ti Israel e yeke sara ni ayeke so: mbi yeke su andia ti mbi taa na ya ti be ti ala, mbi yeke su ni na ndö ti be ti ala; mbi yeke duti Nzapa ti ala si ala yeke duti azo ti mbi.

Ésaïe 30:8

*KOTA GBIA atene na Ésaïe: “Fadeso, mo su aye so na le ti mbeni têne, mo su ni na ya ti mbeni mbeti, na dawa ti azo ti Jérusalem. Gbanda, fade ayeke duti ye so ayeke dabe ti ala na aye ni lakue lakue.”

2 Korente 3:3

Biani, ye ni ayeke na hondengo ni pepe: ala yeke tongana mbeti so Christ asu ni si e gue na ni na azo. A su mbeti ni na ngu ti sungo na mbeti pepe, me a su ni na Yingo ti Nzapa, lo so lo yeke na fini; a su ni na ndö ti têne pepe, me na ndö ti be ti azo.

Amato 6:21

Bata atënë ni lakue na be ti mo; mo kanga ni na go ti mo tongana ye ti go.

Jérémie 17:1

“Tongana ti so a yeke de mbeti na wen na tere ti têne, wala na diaman so li ni ayeke tongana ti pondi, a su siokpari ti azo ti Juda legeoko tongaso na ndö ti be ti ala nga na tere ti adidi ti agbalaka ti ala.

Amato 7:4

Mo baa ndara tongana ita ti mo ti wali; mo baa hingango nda ti ye tongana mbeni sewa ti mo.

Amato 4:21

Mo girisa ni pepe; mo bata ni na ya ti be ti mo.

Ésaïe 59:21

KOTA GBIA atene: “Tënë ti *mbuki so mbi na ala e yeke sara laa: yingo ti mbi ayeke duti na ndö ti ala, mbi yeke zia tënë ti mbi na yanga ti ala; tënë ni ayeke hon yongoro na yanga ti ala pepe, na yanga ti amolenge ti ala pepe, na yanga ti amolenge ti amolenge ti ala pepe, ti londo fadeso ti gue na ni, kpu na kpu. Tënë so mbi KOTA GBIA, mbi tene laa.”