Amato 6:34 - Mbeti ti Nzapa - Tënë so amu fini

³⁴ Biani, mbanda ayeke sara si ngonzo ti wâ alondo na be ti koli ti wali ni; na lango so koli ni ayeke kiri na peko ti sioni ni, lo yeke baa mawa ti zo pepe.

Amato 6:34 Referans Kwoze

B. ti abia 8:6

Bata mbi nduru na kate ti mo tongana *ye ti kpongo na nzoroko so a su iri ti mo na ndö ni, tongana ye ti kpongo na nzoroko so mo yu na maboko ti mo. Biani, yengo tere ayeke na ngangu tongana kuâ; nzara ti be ayeke nga ye so aso sioni tongana ndo so akuâ ayeke daa; zo alingbi ti sara ye oko na lo pepe. Yengo tere ayeke gbi ndo tongana wâ, lo yeke sungba tongana bekpa.

Amato 27:4

Ngonzo ti wâ ayeke sioni mingi, ngonzo ayeke buba ye mingi; me zo wa laa alingbi ti luti na le ti mbanda ti zo?

Wungo ti azo 5:14

tongana be ti koli ti wali ni afa na lo atene, wali ti lo agi koli, ataa tënë ni ayeke taa-tënë, ataa tënë ni ayeke mvene si koli ni asara mbanda ti wali ti lo,

1 Korente 10:22

Wala e ye ti sara ye tongaso titene Nzapa asara mbanda? Ala baa ti ala atene, e yeke na ngangu e hon lo?

Wungo ti azo 25:11

“Wayango-sandaga Pinas, molenge ti Elazar, tara ti Aaron asara si ngonzo ti mbi ti wâ ade na tere ti azo ti Israel. Na popo ti azo ti Israel kue, lo laa tënë ti aye ti mbi agbu be ti lo mingi. Nilaa, ataa so mbi sara mbanda ti azo ti Israel mingi, mbi fâ ala ti hunzi ala pepe.

Tongo nda ti aye 39:19

So wa ti Joseph ama tënë so wali ti lo atene na lo: “Baa ye so ngbaa ti mo asara na mbi laa”, lo sara ngonzo mingi.

Amato 6:33

Fade a yeke pika lo, lo yeke ga buba na le ti azo si kamene ti ye ni ayeke ngba lakue na le ti lo.

Amato 6:35

Nginza so a yeke futa na koli ni, lo yeke yeda na ni pepe. Ataa mo mu gba ti anzoni ye na lo, lo yeke ke.

Amato 11:4

Na lango ti fango ngbanga, mosoro ayeke sara ye oko ndali ti zo pepe; me sarango ye ti mbirimbiri laa ayeke zi zo na ya ti kuâ.

Ésaïe 13:17

KOTA GBIA atene: “Mbi yeke tokua azo ti mara ti Medii na tere ti ala; azo ni ayeke sara nzara ti nginza pepe, ala yeke nga na nzara ti lôro pepe.

2 Samuel 11:5

Batsheba amu ngo. Lo tokua ndo na David, lo tene: “Mbi yeke na ngo.”