Amato 6:14 - Mbeti ti Nzapa - Tënë so amu fini

¹⁴ Gi atënë ti kirikiri laa ayeke na be ti lo; lo yeke gbu li ti lo lakue ti sara sioni ye; lo yeke bi tënë ti papa na popo ti azo.

Amato 6:14 Referans Kwoze

Mishe 2:1

Mawa na azo so ayeke leke na be ti ala tënë ti sarango sioni ye; na bi, ala yeke leke tënë ti sarango sioni ye! Gi so ndo ahan awe, ala yeke sara ni, tongana ala wara lege ni.

Rome 16:17

A-ita, ye so mbi hunda na ala mingi ayeke so: ala sara hange na azo so ayeke ga na tënë ti kangbi nga na tënë so asara si azo ati na ya ti siokpari; azo ni azia lege ti tënë so e fa na ala so awe. Ala zia lege ti azo ni so,

Osée 8:7

So ala yeke gi kete pupu, fade ala yeke wara kota pupu ti ngu-Nzapa. Mbeni *mato atene: “Tongana *ble ale pepe, zo ayeke wara farini pepe”. Ataa ble ni ale kete, awande laa ayeke te ni kue.

Ezekiel 11:2

Yingo ni atene na mbi: “*Molenge ti zo, baa, azo so laa aleke na be ti ala ti sara asioni ye si ala yeke mu asioni wango na ya ti gbata so!

Ésaïe 57:20

Me azo ti sioni ayeke tongana kota ngu-ingo so ayeke yingi, so alingbi ti duti kpoo pepe; *amapo ni ayeke mu potopoto nga na sarate asigigi na ni.

Ésaïe 32:7

Ti zo ti handango ndo, kua ti lo ayeke ti sarango sioni mingi na zo: lo yeke leke aye na mayere ti sara sioni na wayere na tenengo mvene na li ti wayere ni. Andaa wayere ni ahunda gi ye so ayeke ti lo.

Amato 22:8

Zo so alu sioni ye, lengo ni so lo yeke ko ayeke kpale; ngangu so lo yeke sara na sioni na azo, fade ayeke hunzi.

Amato 21:8

Zo so tënë ayeke na li ti lo, lege ti lo ayeke gue kirikiri; me zo so tënë ayeke na li ti lo pepe, sarango ye ti lo ayeke na legeni.

Amato 3:29

Mba ti mo so aduti nduru na mo si lo zia be ti lo na ndö ti mo so, mo gbu li ti mo ti sara sioni na lo pepe.

Amato 2:14

Be ti azo ni ayeke na ngia na sarango sioni; tere ti ala anzere na asioni sarango ye ti kirikiri.

Abia (Psaumes) 36:4

Tënë ti yanga ti lo kue gi mvene, tënë ti yanga ti lo gi ti handango zo; lo girisa lege ti ndara awe, lo girisa lege ti sarango nzoni ye awe.

Abia (Psaumes) 140:2

*KOTA GBIA, zi mbi na maboko ti zo ti sarango sioni; bata mbi si zo ti sarango ngangu na azo asara ngangu na mbi pepe.

Amato 16:27

Mbumbuse zo aleke na be ti lo ti sara sioni ye; atënë ti yanga ti lo ayeke gbi zo tongana wâ.

Amato 17:20

Zo so ayeke na be ti kirikiri, lo yeke baa nzoni pepe; zo so ayeke tene sioni tënë na tere ti amba ti lo, lo yeke ti na ya ti akpale.

Amato 24:8

Zo so ayeke gbu li ti lo lakue ti sara sioni ye, a yeke iri lo “zo ti mayere”.

Abia (Psaumes) 140:3

Ala yeke leke na be ti ala gi ye ti sioni, lakue, ala yeke gi lege ti sara bira.

Amato 3:32

Biani, be ti KOTA GBIA ake mingi azo so ake lege ti lo, me lo yeke fa atënë ti be ti lo na azo ti mbirimbiri.

Amato 14:22

Zo so aleke na be ti lo ti sara sioni ye, lo girisa lege biani. Me zo so aleke na be ti lo ti sara nzoni ye, azo ayeke sara nzoni be na lo si ala yeke zia be ti ala na ndö ti lo.