Amato 5:4 - Mbeti ti Nzapa - Tënë so amu fini

⁴ Me agbe ti tënë ti lo ni asee tongana sengo pere, ayeke kpo zo tongana yongoro zeme so yanga ni aza mbage na mbage.

Amato 5:4 Referans Kwoze

Zo ti bongbingo azo 7:26

Ye so mbi baa ayeke so: wali so ayeke tongana kuku ti gbu zo ayeke sioni mingi ahon kuâ. Be ti lo ayeke tongana gbanda. Maboko ti lo ayeke tongana kamba so ayeke gbu mo. Zo so asara ye so anzere na be ti Nzapa ayeke kpe na maboko ti wali ni. Me zo ti siokpari ayeke ti na ya ti maboko ti lo.

Abia (Psaumes) 57:4

Kâ na yayu, ayeke nzoni lo yeke tokua ye ti songo mbi na kuâ. Biani, zo ti tumbango peko ti mbi ayeke zonga mbi. Luti kete Ayeke nzoni Nzapa afa na mbi so lo yeke sara nzoni be na mbi si lo yeke bata tënë ti yanga ti lo.

Abia (Psaumes) 55:21

Zo so asara sioni na amba ti lo awe, amba ti lo so lo na ala aduti na siriri; lo buba ya ti *mbuki ti lo awe.

Ahebro 4:12

Tënë ti Nzapa ayeke na fini si ayeke na ngangu ti sara ye. Tënë ni ayeke kpo be ti zo ahon yongoro zeme so yanga ni aza mbage na mbage. Tënë ni ayeke gue ngbii akangbi popo ti be ti zo na yingo ti zo. Tënë ni ayeke kangbi popo ti mafuta ti ya ti bio nga na ndo so abio atengbi tere daa. Tënë ni ayeke sigigi na tënë ti be ti zo nga na aye so kue nzara ni ayeke na be ti zo.

Amato 9:18

Andaa azo ni ahinga pepe atene, akuâ ayeke kâ; azo so Buba atisa ala so, ala hinga pepe atene, ala li na ndo ti akuâ awe.