Amato 4:24 - Mbeti ti Nzapa - Tënë so amu fini

²⁴ Mo zia atënë ti mvene asigigi na yanga ti mo pepe, mo tene asioni tënë na iri ti amba ti mo pepe.

Amato 4:24 Referans Kwoze

Jacques 1:26

Tongana mbeni zo atene na be ti lo atene, ni yeke voro Nzapa si lo bata yanga ti lo pepe, andaa lo yeke handa tere ti lo wani; vorongo Nzapa ti lo ni ayeke gi senge senge.

Amato 8:8

Atënë so kue mbi yeke tene ayeke mbirimbiri; tënë ti mayere wala tënë ti handa ayeke na ya ni pepe.

Jacques 1:21

Ndani laa, ala zia lege ti sarango aye ti potopoto kue nga na lege ti sarango sioni ye kue. Ala yeda na nzoni be na tënë so Nzapa alu na ya ti be ti ala, tënë ni alingbi ti soo ala.

Amato 8:13

Kpengo mbeto ti KOTA GBIA ayeke ti ke sioni ye. Baba, pikango kate, asioni sarango ye na atënë ti mvene, mbi ke ni.

1 Pierre 2:1

Ala zia lege ti sarango amara ti asioni kue nga na sarango ye ti mayere. Tënë ti yanga ti ala ague nde na sarango ye ti ala pepe, ala zia lege ti kota be na ti dikongo asioni tënë na iri ti azo.

Amato 6:12

Zo so ayeke diko atënë ti mvene na ndo kue, lo yeke mbumbuse zo; lo yeke zo ti sarango sioni.

1 Timothée 6:5

na bingbingo tënë so ayeke kai hio pepe; aye ni so ayeke londo lakue na popo ti azo so gbungo-li ti ala aga sioni awe, ala hinga taa-tënë oko pepe. Ala baa ti ala atene, gbungo tënë ti Nzapa ngangu ayeke mbeni lege ti warango mosoro.

Kolose 3:8

Me fadeso, ala nga, ala zia aye so kue: ngonzo, songo be, sioni be, zongango ndo; abuba tënë asigigi na yanga ti ala pepe.

Ezekiel 18:31

Ala bi asioni sarango ye ti ala yongoro, ala sara si be ti ala na yingo ti ala aga fini ni! Ala azo ti Israel, ala ye ti kui ngbanga ti nyen?

Amato 17:20

Zo so ayeke na be ti kirikiri, lo yeke baa nzoni pepe; zo so ayeke tene sioni tënë na tere ti amba ti lo, lo yeke ti na ya ti akpale.

Mbeti ti Job 11:14

Zia lege ti asioni so maboko ti mo asara, zia ye ti sioni aduti na da ti mo pepe.

Amato 4:25

Ayeke nzoni mo baa gi ya ti le ti zo; mo baa ndo mbirimbiri gi na dawa ti mo.

Amato 10:32

Zo ti mbirimbiri ayeke tene tënë na nzoni be; me azo ti sioni ayeke tene gi mvene.

Amato 19:1

Wayere so fini ti lo ayeke na legeni, lo yeke nzoni lo hon zo ti buba so ayeke tene gi atënë ti mayere.

Abia (Psaumes) 34:14

Alingbi mo bata yanga ti mo na sioni tënë, mo bata yanga ti mo na atënë ti mvene.