Amato 3:4 - Mbeti ti Nzapa - Tënë so amu fini

⁴ Tongaso, fade Nzapa na azo ayeke ye tënë ti mo; ala yeke gonda mo ndali ti zingo le ti mo.

Amato 3:4 Referans Kwoze

Nzoni Tënë so Luc asu na mbeti 2:52

Jésus akono, lo ga kota, lo mai na ndara si lo ga nzoni na le ti Nzapa nga na le ti azo.

Rome 14:18

Zo so ayeke sara kua na Christ tongaso, lo yeke nzoni na le ti Nzapa si azo ayeda na tënë ti lo.

1 Samuel 2:26

Me kete Samuel angba ti kono, lo ga nzoni na le ti KOTA GBIA nga na le ti azo.

Abia (Psaumes) 111:10

Kpengo mbeto ti KOTA GBIA ayeke tongo nda ti dutingo na ndara. Azo so kue akpe mbeto ti lo ayeke azo ti hingango ndo. Gonda ti lo angba kpu na kpu.

Tongo nda ti aye 39:21

*KOTA GBIA ayeke na Joseph, lo sara nzoni be na Joseph; lo sara titene makonzi ti da ti kanga ni abaa Joseph na nzoni le.

Awatokua 2:47

Ala yeke sepela Nzapa si azo kue aye ala. Na ya ti lango oko oko, Nzapa ayeke sara si ambeni zo so asoo kuâ ayeke li na ya ti bongbi ti ala.

Daniel 1:9

Nzapa asara si makonzi ti ambaiwa ni asara nzoni be na Daniel. Lo sara na Daniel alingbi na ye so Daniel ahunda.

2 Korente 8:21

Ye so agbu be ti e ayeke titene e sara ye mbirimbiri gi na le ti Kota Gbia oko pepe, me nga na le ti azo.

Amato 8:35

Biani, zo so awara mbi, awara fini awe; be ti KOTA GBIA ayeke nzere na lo.

Amato 12:2

Nzapa ayeke sara nzoni be na zo ti sarango nzoni; me lo yeke fâ ngbanga na li ti zo ti sarango ye na mayere.

Amato 13:15

Zo ti hingango ndo, be ti azo anzere na lo; me azo ti kango amba ti ala, lege ti ala ague kirikiri.

1 Samuel 2:21

KOTA GBIA aga ti sara nzoni be na Anne si lo du amolenge-koli ota na amolenge-wali use. Ti Samuel, lo yeke kono na le ti KOTA GBIA.