Amato 3:24 - Mbeti ti Nzapa - Tënë so amu fini

²⁴ Tongana mo yeke gue ti lango, mbeto ti mbeni ye oko ayeke sara mo pepe; tongana mo lango, lango ni ayeke nzere mingi.

Amato 3:24 Referans Kwoze

Abia (Psaumes) 3:5

Mbi toto na KOTA GBIA na kota go, lo kiri tënë na mbi, kâ na li ti hoto ti lo; hoto ti lo so ayeke nde si ayeke nzoni kue. Luti kete

Abia (Psaumes) 4:8

Na ngoi ti fango ale ti kobe, azo ayeke na ngia, ngbanga ti so kobe na vin asi singo. Me ngia so mo zia na be ti mbi ahon ti ala kue.

Amato 6:22

Fade atënë ni ayeke fa lege na mo tongana mo yeke tambula na lege; ala yeke bata mo tongana mo yeke lango; tongana mo zingo na lango, ala yeke mu na mo wango.

Jérémie 31:26

– Ndani laa, so mbi zingo na lango, mbi baa so lango ti mbi ni asara nzoni na mbi mingi. –

Mbeti ti Job 11:19

Na ndembe so mo yeke wu tere ti mo, zo ti so li ti mo ayeke daa pepe; azo mingi ayeke tene nzoni tënë ti woko be ti mo.

Awayango-sandaga 26:6

Mbi yeke zia siriri na ya ti kodro ni. Tongana ala yeke lango, mbeni ye oko ti zia mbeto na be ti ala ayeke daa pepe. Mbi yeke hunzi asioni nyama kue na ya ti kodro ni. Azo ayeke kiri ti tiri bira na ala pepe.

Abia (Psaumes) 127:2

Ala yeke londo hio na kota ndaperere, ala yeke sara kua ngbii ala yeke lango hio pepe, ala yeke baa pasi ngbii si ala wara kobe ti tengo ni; aye so kue ayeke gi senge senge. KOTA GBIA ayeke mu ye na zo ti lo so lo ye lo, ataa zo ni ayeke lango.

Ezekiel 34:15

Mbi wani, mbi yeke gi kobe ndali ti ataba ti mbi; mbi wani, mbi yeke sara titene ala lango kpoo. So tënë ti yanga ti Kota Gbia NZAPA laa.

Awatokua 12:6

Kozo titene ndo ahan si Herode afâ ngbanga ti Pierre na le ti azo kue, na bi ni, Pierre ayeke lango na popo ti aturugu use. A kanga lo na zingiri use si a zia aturugu ti bata yanga ti da ni.

Abia (Psaumes) 112:8

Be ti lo ado pepe, lo yeke sara mbeto pepe si lo yeke ku ti baa ye so ayeke ti ande na ndö ti awato ti lo.

Amato 1:33

Me zo so ama mbi, mbeni ye ti sioni ayeke si na lo pepe, lo yeke duti kpoo, mbeto ti sioni ye ayeke sara lo oko pepe.”

Zo ti bongbingo azo 5:12

Mbi baa na ndö ti sese so mbeni sioni ye so ayeke zia vundu na be: mbeni zo abata nginza mingi si nginza ni akiri aga kpale na tere ti lo.

2 Mbai 20:30

Tongaso, kodro-gbia ti Yosafat aduti kpoo, ngbanga ti so Nzapa ti lo amu na lo siriri mbage na mbage kue.

Abia (Psaumes) 3:6

Mbi lango na ndö ti gbogbo, lango ahon na mbi; ndade mbi zingo, ngbanga ti so KOTA GBIA laa abata mbi.

Abia (Psaumes) 91:5

Fade mo yeke sara mbeto ti aye so pepe: ataa asioni ye ti bi so ayeke zia mbeto na be ti zo, ataa le ti kokora so a bi na kota lâ,

Amato 19:23

Kpengo mbeto ti KOTA GBIA asara si zo aduti na fini; zo so asara ni, fini ti lo ayeke si singo na anzoni ye si sioni ye oko ayeke si na lo pepe.

Ésaïe 54:14

Sarango ye ti mbirimbiri ayeke sara si mo luti ngangu. Zo oko ti kiri ti sara ngangu na mo ayeke daa pepe, mbeto ayeke kiri ti sara mo pepe, zo oko ti kiri ti zia mbeto na be ti mo ayeke daa pepe. Mbeni ye ti zia kota mbeto na be ti mo ayeke si nduru na mo pepe.

Ezekiel 34:25

“Fade mbi yeke sara *mbuki ti siriri na ala, mbi yeke zi asioni nyama na ya ti kodro ni. Tongaso, fade ataba ti mbi alingbi ti duti na siriri na ya ti benyama si ala lango na ya ti ngonda.

Ezekiel 34:27

Fade akeke ti yaka ayeke le alengo ni, sese ayeke du ale ti kobe; azo ti mbi ayeke duti na siriri na sese ti ala. Mbi yeke fâ ya ti *zuge so ane na ndö ti ala, mbi yeke zi ala na gbe ti azo so asara ala ngbaa. Tongaso, fade ala yeke hinga atene, mbi laa mbi yeke KOTA GBIA.