Amato 3:22 - Mbeti ti Nzapa - Tënë so amu fini

²² Fade ala yeke sara si mo duti na taa fini nga na fini so anzere.

Amato 3:22 Referans Kwoze

Amato 4:22

Atënë ni ayeke mu fini nga na seni na azo so kue ayeda na ni.

Amato 1:9

Fade aye ni ayeke duti tongana pendere kpoto na li ti mo wala tongana pendere ye ti go na go ti mo.

Ésaïe 38:16

KOTA GBIA, ye so asi na mbi ando so, mo hinga ni kue, nilaa mo sara si mbi ngba na fini; mo kiri ngangu na mbi, mo bata mbi na fini.

Ndia ti fani use ni 32:47

Biani, so ayeke gi asenge tënë pepe. Atënë ni ayeke ndali ti fini ti ala; na lege ti atënë so laa fade gigi ti ala ayeke gue, ayo na sese so ala yeke fâ ngu ti Jourdain ti mu ni titene aga ti ala.”

Amato 4:13

Wango so a mu na mo, mo bata ni ngangu, mo zia lege ni pepe. Mo bata ni, ngbanga ti so fini ti mo laa!

Amato 8:35

Biani, zo so awara mbi, awara fini awe; be ti KOTA GBIA ayeke nzere na lo.

Amato 16:22

Hingango ndo ayeke tongana li ti ngu so ayeke mu fini na zo so ayeke na ni. Me pika so azo ti buba ayeke wara ayeke ye ti buba ti ala wani.

Amato 21:21

Zo so ayeke gi lege ti sara ye ti mbirimbiri nga na nzoni be, fade gigi ti lo ague, ayo; azo ayeke sara ye na lo na lege ti mbirimbiri si ala yeke ne lo.

Amato 19:8

Zo so ayeke manda ti gbu li ti lo nzoni, lo yeke sara nzoni na lo wani; zo so asara ngangu kue ti hinga ndo, lo yeke baa nzoni daa.