Amato 3:11 - Mbeti ti Nzapa - Tënë so amu fini

¹¹ Molenge ti mbi, tongana KOTA GBIA agboto mê ti mo, mo ke pepe; tongana lo suku na mo, mo baa ni tongana mbumbuse ye pepe.

Amato 3:11 Referans Kwoze

Mbeti ti Job 5:17

Biani, ti lo nzoni, zo so Nzapa agboto mê ti lo! Tongaso, lo so ngangu ti lo ahon angangu kue, mo ke pika ti lo pepe.

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!

Abia (Psaumes) 94:12

KOTA GBIA, ti lo nzoni, zo so mo fa nzoni lege na lo, zo so mo fa ye na lo na lege ti *Ndia ti mo!

1 Korente 11:32

Me Kota Gbia afâ ngbanga ti e si lo pika e titene lo fâ ngbanga na li ti e tongana ti tanga ti azo ti dunia so pepe.

2 Korente 4:1

Nzapa asara nzoni be na e si lo mu na e kua ni so, nilaa be ti e awoko pepe.

Ahebro 12:3

Ala dabe ti ala na Jésus, na pasi so lo baa na maboko ti azo ti siokpari so ake lo, tongaso si be ti ala awoko pepe si ala zia lege ni pepe.

Amato 24:10

Tongana be ti mo awoko na lango so ye ti ngangu asi na mo, andaa ngangu ti mo ayeke kete biani!

Mbeti ti Job 4:5

Me fadeso, ye ni asi na mo awe, mo woko kue; ye ni awara mo awe, li ti mo aga kirikiri.

Ndia ti fani use ni 8:5

Alingbi ala hinga so nzoni: KOTA GBIA aye ti fa lege ti hingango ndo na ala tongana ti so babâ ayeke fa lege ti hingango ndo na molenge ti lo.