Amato 29:8 - Mbeti ti Nzapa - Tënë so amu fini

⁸ Azo so abaa amba ti ala tongana ambumbuse zo ayeke bi wâ na ya ti gbata; me azo ti ndara asara si ngonzo ade.

Amato 29:8 Referans Kwoze

Amato 11:11

Ndali ti anzoni sarango ye ti ala, azo ti mbirimbiri asara si aye ti nzoni aga na ya ti gbata ti ala. Me azo ti sioni ayeke buba gbata ni na lege ti atënë ti yanga ti ala.

Jérémie 15:1

*KOTA GBIA atene na mbi: “Ataa Moïse na Samuel aluti fade na dawa ti mbi ti sambela ndali ti mara so, ka tënë ti azo ti mara so ayeke so be ti mbi oko pepe. Mo tumba azo ni na dawa ti mbi, ala hon!

Amato 16:14

Tongana ngonzo asara gbia, lo lingbi ti fâ zo; me zo ti ndara alingbi ti de be ti lo.

Ezekiel 22:30

Mbi gi mbeni zo na popo ti ala titene lo leke gbagba ti bata na kodro ni, ti luti na dawa ti mbi na ndo so du akoro daa na tere ti gbagba ni; tongaso si mbi buba kodro ni pepe; me mbi wara zo oko pepe.

Wungo ti azo 25:11

“Wayango-sandaga Pinas, molenge ti Elazar, tara ti Aaron asara si ngonzo ti mbi ti wâ ade na tere ti azo ti Israel. Na popo ti azo ti Israel kue, lo laa tënë ti aye ti mbi agbu be ti lo mingi. Nilaa, ataa so mbi sara mbanda ti azo ti Israel mingi, mbi fâ ala ti hunzi ala pepe.

Amato 29:9

Tongana zo ti ndara ague na zo ti buba na ngbanga, ataa lo sara ngonzo, ataa lo he ngia, fade lo yeke duti kpoo laoko pepe.

Amato 15:1

Kiringo tënë na nzoni be asara si ngonzo ade; me tënë ti songo be asara si ngonzo alondo.