Amato 29:5 - Mbeti ti Nzapa - Tënë so amu fini

⁵ Zo so atene anzerengo tënë ti handa na mba ti lo, lo zia gbanda na lege ti lo.

Amato 29:5 Referans Kwoze

Osée 5:1

*KOTA GBIA atene: “Ala awayango-sandaga, ala ma tënë so, ala azo ti Israel, ala duti kpoo, ala ma tënë so, ala asewa ti gbia, ala dingi mê ti ala, ala ma tënë so: ala laa alingbi fade ti fâ ngbanga mbirimbiri, me kâ na Mispa, ala ga tongana kuku, ala ga tongana gbanda so a zia na ndö ti hoto ti Tabor;

Abia (Psaumes) 12:2

*KOTA GBIA, soo mbi maa! Azo so angba na lege ti mo ayeke daa mbeni pepe; azo ti mbirimbiri ayeke daa fadeso pepe.

Abia (Psaumes) 5:9

KOTA GBIA, mo yeke mbirimbiri, fa na mbi lege ndali ti so awato ti mbi ayeke hara mbi; leke lege ti mo mbirimbiri na dawa ti mbi si mbi hon daa.

Mbeti ti Job 17:5

Ala kpa zo so airi amba ti lo ti te kobe, andaa amolenge ti lo aku ti ala kobe ni gbaa.

1 Tesalonike 2:5

Ala hinga kue: laoko e tene mbeni tënë ti handango na zo pepe; laoko e honde nzara ti warango aye na peko ti fango tënë ti e pepe, Nzapa ahinga ni!

Rome 16:18

ngbanga ti so azo ni ayeke sara kua ti Christ, *Kota Gbia ti e pepe, me ala yeke gi gi kobe ti ya ti ala. Anzoni tënë na anzerengo tënë ayeke sigigi na yanga ti ala ti handa na azo so le ti ala azi pepe.

Abia ti demango tere 1:13

Kâ na nduzu, KOTA GBIA atokua mbeni wâ; wâ ni ali na ya ti abio ti mbi. KOTA GBIA aleke mbeni gbanda ti gbu na gere ti mbi; gbanda ni agbu mbi, agboto mbi na peko. Mbi ga tongana wali so ye ahunzi na lo awe; lakue, tere ti mbi ayeke so gi songo.

Amato 26:28

Zo ti tenengo mvene na amba ti lo ayeke zia ka na be ti ala: lege ti kengo ala laa. Zo so ayeke tene anzerengo tënë ti handa na amba ti lo, lo sara si aye kue abuba.

Amato 20:19

Zo so afono na iri ti amba ti lo, lo yeke fa nga na gigi atënë so ahonde; mo kpe lege ti azo so ayeke diko atënë gbani gbani.

Amato 7:21

Na lege ti atënë ti handa ti lo, lo sara si maseka-koli ni ayeda na lo. Ndali ti anzerengo tënë ti yanga ti lo, lo sara si maseka-koli ni ague na peko ti lo.

Amato 7:5

Fade atënë ni ayeke gbanzi mo na tere ti wali ti zo; ala yeke gbanzi mo na tere ti wali wande so ayeke handa mo na lege ti anzerengo tënë ti lo.

Amato 1:17

Tongana zo abi gbanda si ndeke abaa lo na bingo ni, fade ndeke ni ayeke ti na ya ti gbanda ni pepe.

Abia (Psaumes) 36:2

Mbi dabe ti mbi na tënë ti yanga ti zo ti sioni; ti lo, Nzapa ayeke zo wa si lo kpe mbeto ti lo.

Amato 28:23

Zo so asuku na amba ti lo, mbeni lâ, ala yeke baa so nzoni ye laa lo sara na ani; zo ni ayeke nzoni ahon zo so atene anzerengo tënë ti handa na zo.

1 Samuel 18:23

Azo ti gbe ti Saul atene atënë so kue na David. David atene na ala: “Titene zo aga kogara ti gbia, ayeke ye ti ngia na le ti ala? Mbi, mbi yeke ti mbi wayere, mbi yeke senge zo.”