Amato 29:16 - Mbeti ti Nzapa - Tënë so amu fini

¹⁶ Tongana azo ti sioni awu mingi, sarango sioni ye ayeke wu nga mingi; me fade azo ti mbirimbiri ayeke baa tingo ti azo ti sioni.

Amato 29:16 Referans Kwoze

Abia (Psaumes) 92:11

Mo mu na mbi ngangu tongana ti ngbä, mo tuku na li ti mbi yombo so afun nzoni.

Abia (Psaumes) 91:8

Zi gi le ti mo, fade mo yeke baa lege so Nzapa ayeke kiri na azo ti sioni peko ti sioni so ala sara.

Abia (Psaumes) 58:10

Kozo titene akeke ti ki agbi na gbe ti ta ti ala, ataa akeke ni angba fini wala ahole, fade ngonzo ti Nzapa ayeke mu ala hio ti hon na ala.

Abia (Psaumes) 37:36

Me lo hon awe, lo yeke daa mbeni pepe; mbi gi lo, me mbi wara lo pepe.

Abia (Psaumes) 37:34

Zia be ti mo ti ku gi KOTA GBIA, mo mu gi lege so lo fa na mo. Fade lo yeke mu mo na nduzu titene mo mu kodro ni si aga ti mo, fade mo yeke baa azo ti sioni so a yeke bi ala na gigi.

Amato 29:2

Tongana azo ti mbirimbiri awu mingi, azo ti kodro ayeke na ngia; me tongana zo ti sioni laa ayeke na ndö ti mbata ti gbia, azo ayeke dema.

Aye so Nzapa afa 18:20

Ala so kue ayeke na yayu, ala duti na ngia ndali ti so Babilone ati awe! Ala azo ti Nzapa, *awatokua ti Nzapa, awayanga-Nzapa, ala duti na ngia ndali ti so Nzapa afâ ngbanga na li ti Babilone ndali ti ye so lo sara na ala!

Aye so Nzapa afa 15:4

Kota Gbia, zo wa laa ayeke kpe mbeto ti mo pepe? Zo wa laa ayeke gonda iri ti mo pepe? Biani, gi mo oko laa mo yeke nde si mo yeke nzoni kue. Fade amara kue ayeke ga ti kuku na gbe ti mo, ndali ti so ala kue abaa fadeso lege so mo yeke fâ na ngbanga ti mo awe.”

Abia (Psaumes) 112:8

Be ti lo ado pepe, lo yeke sara mbeto pepe si lo yeke ku ti baa ye so ayeke ti ande na ndö ti awato ti lo.

Abia (Psaumes) 92:9

Me mo KOTA GBIA, mo so mo yeke na nduzu kâ, mo yeke ngba kpu na kpu.

Amato 21:12

Le ti zo ti mbirimbiri angba na ndö ti aye so ayeke si na da ti azo ti sioni; lo yeke pusu ala ti ti na ya ti kpale.