Amato 28:13 - Mbeti ti Nzapa - Tënë so amu fini

¹³ Zo so ahonde asioni ti lo, aye ti lo ayeke ga nzoni pepe; me zo so afa ni na gigi si lo zia lege ni, fade Nzapa ayeke sara nzoni be na lo.

Amato 28:13 Referans Kwoze

Mbeti ti Job 31:33

Azo mingi ayeke honde sioni ti ala si ala yeke bata ni na hondengo ni na ya ti be ti ala. Mbi sara tongana ti ala?

Mbeti ti Job 33:27

Lo yeke he bia na dawa ti azo kue, lo tene: “Mbi sara siokpari, mbi sara ye so ake ndia, me Nzapa asara na mbi alingbi na sioni so mbi sara so pepe.

Awatokua 26:20

Me mbi to nda ti fa tënë ti Nzapa kozoni na azo ti Damas nga na azo ti Jérusalem. Na pekoni, mbi fa tënë ni na azo ti sese ti Judée kue nga na azo ti amara nde; mbi hunda na ala titene ala zia ngbene lege ti sarango ye ti ala ti kiri na mbage ti Nzapa, ala sara ye so afa atene, ala zia ngbene lege ti sarango ye ti ala awe.

Abia (Psaumes) 51:10

Sara si mbi ma atënë ti ngia si tere ti mbi anzere. Tongaso si mbi so mo kungbi mbi awe, mbi londo ti dodo.

Tongo nda ti aye 4:9

KOTA GBIA ahunda Kain, atene: “Ita ti mo Abel ayeke na ndo wa?” Kain akiri tënë, atene: “Mbi hinga? Mbi laa mbi yeke bata ita ti mbi ni?”

Amato 10:12

Kengo zo ayeke du papa; me ndoye ayeke kanga ndö ti sioni ye kue.

1 Samuel 15:30

Saul akiri atene: “Mbi sara siokpari awe. Fadeso, mbi gbu gere ti mo, mo ne mbi na dawa ti *akangba ti kodro ti mbi nga na dawa ti azo ti Israel. Ga, e na mo, e kiri legeoko titene mbi gue, mbi voro KOTA GBIA, Nzapa ti mo.”

1 Samuel 15:24

Saul atene na Samuel: “Mbi sara siokpari awe; mbi ke yanga ti KOTA GBIA awe, mbi ke tënë ti mo. Mbeto ti aturugu laa asara mbi si mbi ma yanga ti ala.

Amato 17:9

Zo so ayeke zi tënë na li ti azo, lo yeke gi titene ala ye lo; me zo so ayeke kiri na ndö ti tënë ni, fade amba ti lo ayeke ke lo.

1 Samuel 15:13

Samuel aga nduru na tere ti Saul si Saul atene na lo: “KOTA GBIA asara tufa na ndö ti mo. Mbi sara ye alingbi na tënë ti yanga ti KOTA GBIA.”

Awayango-sandaga 5:5

“Zo so awara tënë ndali ti mbeni ye oko so a fa ni so, alingbi lo fa na gigi siokpari so lo sara so.

2 Samuel 12:13

David atene na Natan: “Mbi sara siokpari so ake KOTA GBIA awe.” Natan akiri tënë na David, atene: “KOTA GBIA azi siokpari na li ti mo awe; mo yeke kui pepe.

2 Samuel 14:32

Absalom akiri tënë: “Ala bi wâ daa, ngbanga ti so mbi iri mo ti tokua mo na ndo ti gbia, me mo ke ti ga. Mbi ye fade titene mo gue, mo tene na gbia, mo tene: ‘Mbi londo na Geshur, mbi kiri ge ngbanga ti nyen? Ayeke fade nzoni titene mbi ngba kâ.’ Fadeso mbi ye ti gue na dawa ti gbia. Tongana mbi sara mbeni ye ti sioni, ayeke nzoni lo mu yanga titene a fâ mbi!”

Esdras 10:11

Fadeso, na le ti KOTA GBIA, Nzapa ti akotara ti ala, ala hinga sioni ti ala, ala sara ye so be ti lo aye. Ala kangbi na azo ti kodro ni nga na awali ti ala so ayeke awande.”

Néhémie 9:2

Azo ti Israel azi tere ti ala si ala luti yamba na azo ti mara nde; azo ti Israel ni atene siokpari ti ala wani na gigi nga na ti akotara ti ala.

Jérémie 2:35

Me na ndö ni kue, mo tene: ‘Ên-en, tënë oko ayeke na li ti mbi pepe. Ngonzo ti Nzapa ayeke hon yongoro na tere ti mbi senge.’ Me ndali ti so mo tene, mo sara ye ti sioni pepe, mbi yeke gue na mo na ngbanga.”

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”

Awafango-ngbanga 10:15

Azo ti Israel akiri tënë na KOTA GBIA: “E sara siokpari awe. Sara na e tongana ti so be ti mo aye; me mo soo e laso si!”

2 Agbia 20:15

Ésaïe atene: “Nyen laa ala baa na yangbo ti mo, nyen?” Ezekias akiri atene: “Ala baa aye so kue ayeke na ya ti yangbo ti mbi: aye ti ya ti kubu ti da so a bata amosoro ti mbi daa; mbi honde mbeni ye oko na ala pepe.”

2 Mbai 6:26

“Tongana le ti nduzu akanga si ngu-Nzapa apika pepe, ngbanga ti so azo ti Israel asara siokpari so ake mo, tongana ala baa ndo na mbage ti da so ti sambela mo, tongana ala sepela mo si ala zia lege ti siokpari ti ala, ngbanga ti so mo sara ngangu na ala,

Esdras 10:2

Tongaso Shekania, molenge ti Yehiel, mbeni zo ti kete mara ti Elam atene na Esdras: “E sara ye so ayeke sioni mingi na Nzapa ti e na lege so, na popo ti azo ti kodro ni, e mu awali so ayeke awande ti ga awali ti e. Me fadeso, mbeni ye so azo ti Israel alingbi ti zia be ti ala ti ku ayeke daa:

Mbeti ti Job 34:31

Me mbeni zo alingbi ti tene na Nzapa: “Pikango mbi ni alingbi awe, mbi yeke kiri ti sara sioni pepe.

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Jonas 3:10

Nzapa abaa aye so kue azo ti Ninive asara ti fa atene, ala zia sioni lege ti sarango ye ti ala awe. Tongaso sioni ye so Nzapa atene tënë ti sarango ni na ala so, lo zia ti sarango ni.