Amato 27:22 - Mbeti ti Nzapa - Tënë so amu fini

²² Ataa mo pika zo ti buba na ya ti kpu tongana ti so a yeke pika ale ti kobe, mo yeke sara gbaa, asarango ye ti buba ti lo ayeke ngba lakue na tere ti lo.

Amato 27:22 Referans Kwoze

Jérémie 5:3

KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Amato 23:35

Fade mo yeke tene: “A pika mbi, me aso oko pepe! A pika mbi, me mbi hinga ye oko daa pepe! Mbi ye ti zingo na lango hio ti kiri ti nyon mbeni samba si!”

Ésaïe 1:5

So ala ngba ti sara ngangu li so, fade lo yeke kiri ti pika ala na ndo wa? Li ti ala kue gi ka, be ti ala kue gi kobela.

Sigingo 12:30

Na bi ni so, gbia Faraon alondo, lo na azo ti gbe ti lo kue nga na azo ti Ezipte kue; kota dekongo amu ya ti kodro ni kue, ngbanga ti so mbeni da oko ayeke daa pepe so kuâ akui daa pepe.

Sigingo 14:5

Azo atene na Faraon, gbia ti Ezipte, atene: “Baa azo ti Israel akpe awe.” Be ti Faraon na be ti akota zo ti gbe ti lo akiri asanze ndali ti azo ni si ala tene: “Nyen laa e sara si e zia lege na azo ti Israel si ala hon so? Ala yeke kiri ti sara kua ti ngbaa na e pepe!”

Sigingo 15:9

Awato ti e atene lani, atene: “E tumba peko ti ala, fade e yeke wara ala. E yeke kangbi ya ti aye ti ala so e gbu na peko ti bira, e yeke mu ni alingbi na e. E yeke gboto yongoro zeme ti e, e yeke mu aye ti ala kue na maboko ti ala!”

Amato 26:11

Zo ti buba so akiri na ndö ti asarango ye ti buba ti lo, lo yeke tongana mbo so akiri ti te kobe so lo de ni na sese awe.

Jérémie 13:23

Zo ti Etiopii alingbi ti gbian poro ti tere ti lo? Ze alingbi ti zi anzoroko ti tere ti lo? Ala so sarango sioni aga ye ti tere ti ala so, ala lingbi ti sara nzoni ye?

1 Samuel 19:21

Azo ague, atene tënë ni na Saul si lo kiri lo tokua ambeni zo nde. Me azo ni so nga asara ye tongana awayanga-Nzapa. Saul akiri atokua ambeni zo ti fani ota ni. Ala nga asara ye tongana awayanga-Nzapa.

1 Agbia 13:33

Ataa so kue, Yeroboam azia ngbene lege ti sarango ye ti lo pepe. Lo ngba ti sara ngangu li. Lo ngba ti mu azo kirikiri na popo ti azo ti Israel ti zia ala tongana awayango-sandaga ti ando so a leke na ndö ti ahoto ti voro anzapa nde daa. Zo so kue aye ti ga wayango-sandaga, lo yeke mu lo wayango-sandaga ti ando so a leke na ndö ti ahoto ti voro anzapa nde daa.

Amato 14:24

Mosoro ayeke nzoni ye so azo ti ndara ayeke wara; me ye ti buba ti azo ti buba ayeke gi ye ti buba.