Amato 25:12 - Mbeti ti Nzapa - Tënë so amu fini

¹² Wango so zo ti ndara amu na azo so azia mê ti ala kpoo ti ma tënë ayeke tongana bage ti lôro nga na ye ti go ti lôro ti nzoni ni.

Amato 25:12 Referans Kwoze

Abia (Psaumes) 141:5

Tongana zo ti mbirimbiri apika mbi, andaa lo sara nzoni be na mbi laa. Tongana lo suku na mbi, andaa nzoni mafuta laa lo tuku na li ti mbi, mbi lingbi ti ke ni pepe. Me mbi yeke ngba ti sambela, ataa so ala yeke sara sioni na mbi.

Amato 15:5

Zo ti buba abaa ye so babâ ti lo agboto mê ti lo daa tongana mbumbuse ye; me zo so aye titene a suku na lo, lo yeke zo ti hango le.

Amato 20:12

Mê so ayeke ma na ndo nga na le so ayeke baa na ndo, ala use kue, KOTA GBIA laa asara ala.

Amato 9:8

Mo gboto mê ti zo ti hengo ndo pepe, tongaso pepe, fade lo yeke ke mo; me tongana mo gboto mê ti zo ti ndara, fade lo yeke ye mo.

Mbeti ti Job 42:11

A-ita ti lo ti koli, a-ita ti lo ti wali nga na azo so ahinga lo kozoni, ala kue aga ti baa lo. Ala te kobe na ndo ti lo, ala fa nzoni be ti ala na lo, ala de be ti lo ndali ti aye ti vundu so Nzapa asara si aga na ndö ti lo. Na pekoni, zo oko oko amu na lo kadoo ti kota le ti nginza oko nga na *kati oko so a sara na lôro.

Matthieu 12:35

Nzoni zo ayeke sigigi na anzoni ye so ayeke na be ti lo; sioni zo ayeke sigigi na asioni ye so ayeke na be ti lo.

Sigingo 32:2

Aaron akiri tënë na ala: “Aye ti mê so a sara na lôro si ayeke na mê ti awali ti ala, ti amolenge ti ala ti koli na ti wali, ala gboto ni aga na ni na mbi.”

Sigingo 35:22

Tongaso akoli na awali ti nzoni be aga na aye nde nde so a sara na lôro: aye ti mê, akete palata, aye ti go, aye ti maboko wala *akati. Zo oko oko aga na aye ni na KOTA GBIA, lo ya ni na nduzu ti fa atene, lo mu na lo.

2 Samuel 1:24

Amaseka-wali ti Israel, ala toto Saul maa! Lo so lani lo yeke mu na ala apendere bongo, na aye ti pendere si lo yeke zia lôro ti pendere na tere ti bongo ti ala so.

Mbeti ti Job 28:17

Ataa lôro, ataa têne so ayeke baa ndo na ya ni, ngere ti ala alingbi na ti Ndara pepe; zo alingbi nga ti mu kangu ti lôro ti vo na ni pepe.

Zo ti bongbingo azo 7:5

Mango zo ti ndara so agboto mê ti mo ayeke nzoni ahon mango zo ti buba so ahe bia ti gonda na mo.

Ezekiel 16:12

Mbi zia kati na hon ti mo, mbi zia aye ti mê na mê ti mo nga na pendere kpoto ti gbia na li ti mo.