Amato 25:11 - Mbeti ti Nzapa - Tënë so amu fini

¹¹ Tënë so zo atene si alingbi taa na ngoi ni ayeke tongana aye ti pendere so a sara na lôro si a zia alimo so a sara na wen ti nginza daa.

Amato 25:11 Referans Kwoze

Amato 15:23

Titene zo akiri tënë nzoni, so laa anzere. Tënë so zo atene na ndembe so alingbi, so ayeke nzoni mingi!

Ésaïe 50:4

Kota Gbia NZAPA afa na mbi tënë so mbi lingbi ti tene, titene mbi hinga lege ti mu ngangu na zo so awoko. Lakue na ndaperere, lo yeke zingo mbi, lo yeke zi mê ti mbi titene mbi ma ndo tongana adisiple.

Zo ti bongbingo azo 12:10

Zo ti bongbingo azo asara kue ti wara anzerengo tënë. Lo su atënë ni mbirimbiri na mbeti, atënë ni ayeke taa-tënë.

Amato 24:26

Zo so akiri tënë na lege ti taa-tënë na mba ti lo, lo yeke biani zo ti yengo zo.

Matthieu 12:35

Nzoni zo ayeke sigigi na anzoni ye so ayeke na be ti lo; sioni zo ayeke sigigi na asioni ye so ayeke na be ti lo.

Amato 25:10

Tongaso pepe, tongana zo ni ama so mo sigigi na tënë ni, lo yeke zonga mo si abuba tënë so mo tene ayeke ngba ti gue.

1 Samuel 25:35

Aye so Abigail aga na ni, David amu na maboko ti lo. Na pekoni, David atene na lo: “Kiri nzoni na da ti mo. Mbi ma demango tere ti mo awe, mbi sara nzoni be na mo.”

Mbeti ti Job 4:4

Azo so aye ti ti, tënë ti mo amu ala na nduzu; mo sara si likunu so awoko akpengba.