Amato 24:30 - Mbeti ti Nzapa - Tënë so amu fini

³⁰ Mbeni lâ, mbi hon na tere ti yaka ti mbeni zo ti sopo; mbi hon na tere ti yaka ti *vinye ti mbeni zo so li ti lo ayeke daa pepe.

Amato 24:30 Referans Kwoze

Amato 12:11

Zo so ayeke fâ yaka, fade lo yeke na gba ti kobe; me zo so ayeke tumba peko ti asenge senge ye, li ti lo ayeke daa pepe.

Mbeti ti Job 4:8

Ti mbi, ye so mbi baa ayeke so: Azo so alu ye ti kirikiri na ala so alu pasi, ye ti kirikiri na pasi laa ala yeke ko lengo ni.

Amato 10:13

Atënë ti ndara asigigi na yanga ti zo so ahinga ye; me ti zo so li ti lo ayeke daa pepe, lo lingbi gi na pika.

Amato 6:32

Ti zo so alango na wali ti zo, li ti lo ayeke daa pepe. Zo so asara tongaso abuba fini ti lo wani.

Abia (Psaumes) 37:25

Mbi yeke ando maseka, fadeso mbi ga mbakoro awe; laoko, mbi de ti baa mbeni zo ti mbirimbiri so Nzapa ake lo pepe, wala *ahale ti lo airi kobe pepe.

Mbeti ti Job 15:17

Ma mbi si, mbi ye ti fa mbeni ye na mo; mbi ye ti tene na mo peko ti ye so mbi baa,

Mbeti ti Job 5:27

Baa ye so e gi nda ni laa! Ye ni ayeke tongaso. Mo ma ni si mo mu ni ndali ti fini ti mo!

Zo ti bongbingo azo 7:15

Na ndembe so mbi de na fini, fini so ayeke gi senge senge, mbi baa ye kue: mbeni zo ti mbirimbiri ayeke kui na lege ti sarango ye ti mbirimbiri ti lo; mbeni zo ti sioni ayeke ngba na fini na lege ti sarango sioni ye ti lo.

Abia (Psaumes) 107:42

Azo ti mbirimbiri abaa aye ni so si ala yeke na ngia, azo ti sioni kue ayeke kanga yanga ti ala.

Zo ti bongbingo azo 10:18

Zo so ayeke zo ti sopo, li ti da ti lo ayeke ti; zo so ayeke sara kua na wokongo tere, li ti da ti lo ayeke yuru.

Amato 13:4

Zo ti sopo asara nzara ti ye, me lo yeke wara ni pepe; me azo so ayeke gbu kua ngangu, ala yeke wara aye gbani gbani.