Amato 24:28 - Mbeti ti Nzapa - Tënë so amu fini

²⁸ Mo bi tënë na li ti mba ti mo senge senge pepe. Mo ye ti handa ndo na lege ti atënë ti yanga ti mo?

Amato 24:28 Referans Kwoze

Efeze 4:25

Ndani laa, ala zia lege ti tenengo mvene! Zo oko oko atene taa-tënë na mba ti lo, ngbanga ti so e oko oko kue, e yeke gi na ya ti tere oko.

Amato 25:18

Zo so atene mvene na tere ti mba ti lo na le ti ngbanga, lo yeke tongana kota martoo, wala yongoro zeme, wala le ti kokora so yanga ni aza.

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Kolose 3:9

Ala tene mvene na popo ti ala pepe, ngbanga ti so ala zi ngbene dutingo ti ala ti zo na asarango ye ti lo awe, tongana ti so zo ayeke zi gbagba bongo na tere ti lo.

Jean 15:25

Me aye so asi titene tënë ti *Ndia ti ala aga taa-tënë; Ndia ni atene: ‘Ala ke mbi gi senge senge.’

Matthieu 27:23

Pilate akiri ahunda ala, atene: “Sioni ti nyen laa lo sara?” Me ala kiri adekongo ngangu, atene: “A fâ lo na ndö ti keke ti kroa!”

Amato 21:28

Zo so atene mvene na le ti ngbanga, fade lo yeke kui; me zo so ahinga ti ma tënë, fade azo ayeke mu tënë na lo lakue.

Amato 19:9

Zo so atene mvene na le ti ngbanga, fade pekoni ayeke ngba na lo senge pepe. Zo so atene mvene, ti lo ahunzi awe.

Amato 19:5

Zo so atene mvene na le ti ngbanga, fade pekoni ayeke ngba na lo senge pepe; zo so atene mvene, lo nga lo yeke sigigi na ya ti ngbanga pepe.

Amato 14:5

Zo so ayeke na tere ti mbeni tënë si mo lingbi ti zia be ti mo na ndö ti lo, lo yeke tene mvene pepe; me zo so ayeke tene mbeni tënë nde na so lo yeke fade na tere ni, lo yeke du gi mvene.

Abia (Psaumes) 52:1

Bia so ayeke ndali ti makonzi-bia; bia ti fango ye na zo; bia ti David.

Abia (Psaumes) 35:11

Azo alondo ti bi tënë ti mvene na li ti mbi, ala hunda mbi na ndö ti ye so mbi hinga pepe.

Abia (Psaumes) 35:7

Gi senge senge, ala honde gbanda na ndö ti du ti gbu mbi; gi senge senge, ala zi du na lege ti mbi titene mbi ti daa.

Mbeti ti Job 2:3

KOTA GBIA ahunda lo, atene: “Mo baa dutingo ti Job, zo ti kua ti mbi awe? Na ndö ti sese so, mbeni zo ti lingbi na lo ayeke daa pepe. Koli so ayeke sara ye na legeni, tënë ayeke na li ti lo pepe; lo yeke kpe mbeto ti Nzapa si lo yeke kpe lege ti sarango sioni. Lo ngba ti sara ye na legeni; mo pusu mbi lani titene mbi buba lo senge senge.”

Sigingo 23:1

“Alingbi ala fono na atënë ti mvene na iri ti amba ti ala pepe. Zo so asara sioni, ala tene mvene na le ti ngbanga pepe ti gbu koko ti lo.

Sigingo 20:16

“Alingbi mo tene mvene na li ti mba ti mo pepe na le ti ngbanga.

Awayango-sandaga 6:2

ti mu yanga na Aaron nga na amolenge ti lo, atene: “Baa lege ti mungo *sandaga so a yeke gbi ni kue na wâ ayeke so: Fade sandaga so ayeke ngba na ndö ti gbalaka, na le ti wâ na bi ngbii asi na ndaperere; wâ ti ndö ti gbalaka ni ayeke ngba na zango ni.

Awayango-sandaga 6:3

Na pekoni, wayango-sandaga ayeke yu yongoro bongo ti lo so a sara na *len nga na kilote so a sara na len. Lo yeke zi mburu ti wâ ti mafuta ti anyama so a gbi ni kue na wâ si lo yeke zia ni na tere ti gbalaka ni.

Awayango-sandaga 19:11

“Alingbi ala nzi pepe, ala tene mvene pepe, ala handa amba ti ala pepe.

Amato 26:19

lo yeke tongana zo so ayeke handa amba ti lo si na pekoni lo tene na ala: “Mbi sara ti mbi fade gi ngia senge!”