Amato 24:25 - Mbeti ti Nzapa - Tënë so amu fini

²⁵ Me azo so ayeke fâ ngbanga na li ti zo ti sioni so, azo ayeke sara tufa na ndö ti ala si ala yeke duti nzoni na gigi ti ala.

Amato 24:25 Referans Kwoze

1 Timothée 5:20

Azo so asara siokpari, mo suku na ala na le ti azo kue, tongaso si mbeto agbu atanga ni.

Amato 28:23

Zo so asuku na amba ti lo, mbeni lâ, ala yeke baa so nzoni ye laa lo sara na ani; zo ni ayeke nzoni ahon zo so atene anzerengo tënë ti handa na zo.

Tite 2:15

Lege so mo lingbi ti tene tënë na azo, ti mu wango na ala, ti suku na ala laa; mo sara ni na ngangu so Nzapa amu na mo. Mo sara si mbeni zo oko abaa mo tongana buba zo pepe.

Tite 1:13

Tënë so lo tene so ayeke taa-tënë. Ndani laa, alingbi mo suku na ala ngangu si mabe ti ala aduti na legeni;

Matthieu 14:4

Lo kanga lo, ngbanga ti so Jean atene lani na lo, atene: “*Ndia amu lege na mo pepe titene mo mu Herodiade ti ga wali ti mo!”

Néhémie 13:28

Mbeni molenge oko ti Yoyada, tara ti kota wayango-sandaga Eliashib amu molenge ti Sanebalat, zo ti gbata ti Horon, ti ga wali ti lo. Ndani laa, mbi tumba lo ti londo na Jérusalem.

Néhémie 13:25

Mbi suku na azuife ni si mbi deba ala. Mbi pika ambeni zo na popo ti ala si mbi gboto kua ti li ti ala. Na pekoni, mbi tene na ala ti deba yanga ti ala na iri ti Nzapa ti kiri ti mu amolenge ti ala ti wali pepe na awande. Ala nga, alingbi ala mu awali wande pepe ti ga wali ti ala wani wala ti amolenge ti ala ti koli.

Néhémie 13:17

Mbi suku na akota zo ti sese ti Juda, mbi tene: “Ala baa sioni ye so ala yeke sara so? Ala sara si lango ti wungo tere aga sioni!

1 Samuel 3:13

Mbi tene na Heli, mbi tene, fade mbi yeke fâ ngbanga na li ti azo ti sewa ti lo lakue ndali ti sioni so amolenge ti lo asara: lo hinga kue atene, ala yeke zonga Nzapa, me lo kanga lege na ala pepe.

Awayango-sandaga 19:17

“Be ti ala ake ita ti ala pepe, me ala suku na zo ti kodro ti ala, tongaso si sioni ti lo ati na li ti ala pepe.

2 Timothée 4:2

mo fa tënë ti Nzapa na azo, wala ndembe ni laa wala ndembe ni laa pepe, mo ngba gi daa. Mo fa sioni ti azo na le ti ala, mo suku na ala, mo mu wango na ala; be ti mo awoko na lege ni pepe, mo ngba na nzara ti fango ye na ala.

Amato 24:26

Zo so akiri tënë na lege ti taa-tënë na mba ti lo, lo yeke biani zo ti yengo zo.