Amato 23:7 - Mbeti ti Nzapa - Tënë so amu fini

⁷ Biani, be ti lo ayeke nde na tënë so lo yeke tene. Lo lingbi ti tene na mo: “Mo te, mo nyon”, me na be ti lo kâ, ye ni ayeke nde.

Amato 23:7 Referans Kwoze

Abia (Psaumes) 12:2

*KOTA GBIA, soo mbi maa! Azo so angba na lege ti mo ayeke daa mbeni pepe; azo ti mbirimbiri ayeke daa fadeso pepe.

Abia (Psaumes) 55:21

Zo so asara sioni na amba ti lo awe, amba ti lo so lo na ala aduti na siriri; lo buba ya ti *mbuki ti lo awe.

Awafango-ngbanga 16:15

Dalila atene na lo: “Mo tene mo ye mbi; ngbanga ti nyen laa mo mu be ti mo kue na mbi pepe so? Mo handa mbi fani ota, mo ke ti fa na mbi ndo so kota ngangu ti mo alondo daa.”

Amato 19:22

Ye so a yeke ku na mbage ti zo ayeke sarango nzoni be. Dutingo wayere ayeke nzoni ahon dutingo zo ti mvene.

Nzoni Tënë so Luc asu na mbeti 7:39

Farizien so airi Jésus ti te kobe so abaa ye ni si lo tene na be ti lo: “Tongana koli so ayeke fade wayanga-Nzapa biani, ka lo hinga lo tene, wali so ayeke ndu lo so ayeke mbeni wali-ndumba.”

Daniel 11:27

Agbia use so ayeke wara tere na tere ti meza oko. Me ndali ti so sioni ye laa asi be ti ala, ala yeke tene gi atënë ti mvene na popo ti ala. Atënë ti ala ni ayeke sara ye oko pepe, ngbanga ti so tënë ni ayeke ko ndani gi na lango so a diko awe.

Amato 26:24

Zo ti kengo azo ahonde tere ti lo na peko ti atënë ti lo; na ya ti be ti lo kâ, lo leke atënë ti handa.

Amato 26:25

Ataa lo tene tënë na nzoni be, mo zia be ti mo na ndö ni pepe, ngbanga ti so aye ti sioni mingi asi singo na ya ti be ti lo.

Amato 26:23

Tongana zo ti sioni be atene tënë ti ndoye, akpa wen ti nginza so puru ni angba daa si a mu ni ti zia na tere ti ta ti sese.